[عبدالرحمن الجابري الحربي]

السلام عليكم ورحمة الله وبركاته

أضع جديدي بين أيديكم وكلّي أمل أن يرتقي إلى ذائقتكم

الحرب قامت ياعرب وأنتم وش اللي تحترون=هذا النصيري شبّها زلّ الصراط المستقيم
سالت دموع اقلوبنا قدّام دمعات العيون=تبكي من أسباب القهر والظلم والليل العتيم
الشام تصرخ من ثمان شهور والعالم سكون=معقولة احساس الضماير صار بالعالم عديم
الطفل يقتل دون سبّة والشباب بهالسجون=والأم تحرم من ضناها قبل ما يصبح فطيم
ولاّ البنات أعراضهن راحت وأهلهن ينظرون=تنزل دموع اخوانها من دون حيلة بالغريم
تبغوني أكمّل حقايق واضحة ماهي ظنون=أو إني أسكت وأبلع الحسرة كما وقتٍ قديم
الحرب قامت ياعرب وأنتم وش اللي تحترون=هذا النصيري شبّها زلّ الصراط المستقيم
يامر جنوده بالقتل والعنف واللي يشتهون=أهم شيءٍ ما يشوف السنّي بداره مقيم
الحرب لو هي حرب شعب ودولةٍ كانت تهون =الحرب حربٍ للعقيدة حرب للدين القويم
الفرس تدعم بالخفى والحزب من حوله حصون=ماهو بحزبٍ للإله الحزب لإبليس الرجيم
الحرب قامت ياعرب وأنتم وش اللي تحترون=هذا النصيري شبّها زلّ الصراط المستقيم
قفّل على حمص ودخلها بجيش لا ما يرحمون=يمشي على نفس الخطى هذا الزعيم ابن الزعيم
ازعيم بدروب الردّى والحب من بذره يكون=هذا اختصار اللي حصل في حمص وافهم يافهيم
الحرب قامت ياعرب وأنتم وش اللي تحترون=هذا النصيري شبّها زلّ الصراط المستقيم
ما يكفي نستنكر فعوله دامه يزيد الطعون=لازم نرد الصاع صاعٍ والزيادة بالصميم
استنجدوا درع الجزيرة سددوا بعض الديون=لازمْ يعَرف الكلب مثله بالزمن هذا عقيم
لازمْ يعَرف إنّ الخيانة والشجاعة يفرقون=لازمْ يعَرف إنّا نحارب كل غدار ولئيم
لازمْ يعَرف إنّ السعودي دوم للمظلوم عون=لازمْ يعَرف إنْ كل طاغي فوقه الرب العظيم

لازمْ يعَرف إنْ كل طاغي فوقه الرب العظيم
لازمْ يعَرف إنْ كل طاغي فوقه الرب العظيم

تحياتي / شاعر عظيم المشاعر 22/2/2012 م