بسم الله الرحمن الرحيم
السلام عليكم ورحمة الله وبركاته
الوضع شين وصاير الوقت حساس=وكثروا علينا مدّعين الرياسه
وقتن به الطيب غدى؟؟؟؟؟؟؟؟؟؟؟؟=وراع الردى بالطهبله شاش راسه
المال عز اللي بلى مذهب وساس=وطاح الفقير ولانفع أصل ساسه
شيّن نشوفه بالزمن شيّب الراس=حتى رفيقك تكتشف به نجاسه
إليابغى له مطلبن دق الأجراس= ويجيك لجل المصلحه والوناسه
أن قلت تبّشر حط بك نوماس=وأن قلت ماقدر قال كذب وخساسه
في هرجته طيب وهو ضمن الأنجاس=ولايرتفع راع الردى والطفاسه
ناسن تحّسب الطيب في زين الألباس=وتلقاه دايم مجتهد في لباسه
بالشام شفنا صاحب الدين ينداس=زمن يعّلم من يريد الدراسه
الزير شن الحرب بأسباب جساس=بأسباب ثار أخوه ضحى بناسه
تسمع صهيل الخيل مع رمي الأقواس=والزير يعّرف بالسطر والشراسه
حتى تمادى وأنقطع عنه الأنفاس=شجاع لاكن غرّه أمر السياسه
بالمختصر مريت لي دار عساس=مدري طناخة راس وإلا أعساسه
وضاق الفضى وأونست بالقلب هوجاس=وشفت الزمن باين علي أنتكاسه
وأسندت قافي وأنت من خيرة الناس=زيزوم في وقت السطر والفراسه
الله خلقني بالمواقيف حساس=وأخوك من جور الزمن شاب راسه