هذه القصيده من اولى محاولاتي الشعريه ,, اقدمها لكم وانا كلي رحابه صدر بأستقبال كل ارائكم :$
هذا انا مع كل شروق لشمس الصباح
اسمع صوت عصافير الحب تعزيني
واحاول اقوي النفس واتظاهر بالارتياح
واقول بكرا الايام والليالي بتلهيني
لكن نار حبه وشوقي له ذباح
وفيني من عذاب بعده مافيني
من زوده اتمنى اطير لعالم الارواح
وبس احتضن طيفه وهذا يكفيني
انا فتحت له قلبي وسلمته المفتاح
وقلت هذا حبيبي وبحبه بيمتليني
واحساسي اللي له وحده ارتاح
وماخطر ببالي بيوم يخيب ويبتليني
كنت لاذكرته حس القلب بانشراح
لكن ترجع ذكرى سوياه تصحيني
مانسيت ذيك الليله وكلامه والجراح
من يومها وانا عفته وطاح من عيني
وقسوته اللي جعلت حزني فضاح
وكلن سأل وش سري اللي يبكيني
واتذكر حرقت دمعي والالم والصياح
وجرحه اللي كان دايم يدميني
وتاخذني عزه النفس واقولها بالاصراح
انا مارجع لحبه لويكون موتي بيديني
واطلب البعد بقرار ماهو باقتراح
طلبتك ارحل عن دنيتي وخليني
خلاص انا بترك ذكراه تاخذها الرياح
انا ابصرت وماعاد حبه يعميني
وعسى دنيته بعدي مو فرح عساها افراح
وانا ربي قادر على جعل الاقدار ترضيني