السلام عليكم ورحمة الله وبركاته
نص متواضع بعد طول غياب..
ممتلي قلبي من جروحك كفى=مابقى للجرح في صدري مكان
الحزن غطى وشاحه لي ضفى=جيت ترجي ميت احساسي حنان
لاتدور من كسر ذاتي وفا=ضاع حبك بعد ماضاع الامان
كم تزل وخاطري عنك عفى=خنت قلبٍ حب واعطاك الضمان
كنت حلمي لاكثر العالم غفى=كنت دنيا غير تكسوها الجنان
بك اشوف الكون غارق بالدفى=وكل صعبٍ في حياتي معك هان
قبل لاترحل وتترك لي جفا=وتظلم الدنيا بعد مالوقت زان
نورك اللي داخل عروقي طفى=من قسى قلبك وغيرك الزمان
فضها سيره ولاتبحث خفى=روح عافت سيرة الحب الجبان
ارجع لدربٍ سلكته بالحفا=موعد الرحله الى عالمك حان
وسلامتكم