اقتباس:
المشاركة الأصلية كتبت بواسطة محمد العاند 
السلام عليكم ورحمة الله وبركاته
تحيه لعموم منتدى الويلان متواضعه للتواصل معكم دمتم
جيتك وأنا فكري من الهم صافي=وأقفيت في فكري تدور الدواليب
تكشّفت كل الامور الخوافي=في قدرة المعبود يامدعي الطيب
راع الوفاء يبقى مع الناس وافي=يدرى خويه عن جميع العذاريب
يعني (يابو ...) ولا أخفيك خافي=الوقت شيّب راعي الطيب تشييب
هاذي تواصيفي .. وهذا أعترافي=ماهو كلام أمقلّب الهرج تقليب
المال خلا راعي الاصل هافي=وخلا هفي الاصل فوق المراقيب
دحش العرب عوّد يخط القوافي=والحر عوّد لا يودي ولا يجيب
الله ياذكرى السنين العجافي=يوم أنها بالشلف والا المشاعيب
فيها تعرف العلم ماهو عوافي=للي مثل شرواك حش العراقيب
ياصاحبي مايجهل الناس خافي=الضيف قلبي والخطايا معازيب
ماجيت أبشكي ضيقة الحال حافي=ولا جيت أدور بالقصايد مكاسيب
البوم مايشبه لحرن أسنافي=والفرق شاسع ياحصان الاطاليب
أنا عزايه ذكر الافعال كافي=من نسل حرن مايجي سكة العيب
صخرّت لعيونه أجزال القوافي=قصة حياته شامخه بالمكاتيب
مثل السفينه والبحر والمرافي=لا هاجت الامواج وين المقاضيب؟
أبعترف لك لو قهرك أعترافي=ماني من اللي يتبعون الرعابيب
من عادتي لاقفيت مانظر أخلافي=في مؤقفي يشهد جميع الاصاحيب
لي منطقٍ مثل الذهب بالاشافي=يسمو عن هتاف الجماهير ياذيب
ولي حكمةٍ ماجابها غير قافي=يرجح بها كف الموازين ويصيب
ولي كلمةٍ ياهل العقول الخفافي=يحضر بها فكر الرجاجيل ويغيب
يارب يامجري هبوب السوافي=الطف بنا عن حاميات اللواهيب
لا ضاق صدري قلت ياخير كافي=أنت العظيم المقتدر عالم الغيب
محمد العاند
صح لسانك والف نعم فيك وفي من كنت نسله
شامخه تحتوي على العديد من العبر والحكم والإعتزاز بالذات
لله درك يامبدع ... وابشر بعزك أحنا هنا بخدمة مثلك وشرواك
وأتمنى ان التنسيق يروق لك ويناسب هذه الرائعه واي خدمه أخوك جاهز
تقبل مروري وإعجابي
ودي وتقديري