اسال الله في بداية هذا العام الجديد ان يكون على الجميع عام خير ومسرات وان يكون افضل من سابقه وان يغفر لنا ولكم ماتقدم وماتاخر ,,,,,,
جديدي دائما لويـــــــــلان لان لها معزة خاصة وهي بيتنا الشعري الاول ولها الفضل الكبير بعد الله علي وعلى كثير من الشعراء الافاضل ,,, تحـــــــــــياتي للجميع وتقديري
مايفيدك بالزمن جمع القروش=اخر الدنيا توابيت وقبر
وين راحوا ياولد اهل العروش=والفطين اللي تعلم واعتبر
مابقى غير السوالف والنقوش=ومامضى تاريخ مكتوب بحبر
كل عبدٍ ماله الا مايحوش=والحظيظ اللي مع اعماله صبر
لاتفكر تتعب الراس ويدوش=مبتداء معروف يبغى له خبر
والله ان الطيب للعليا ينوش=وحرن بيمناك يسبرها سبر
لاتهد العلم وتقول مغشوش=كثرة كسورك ولافاد الجبر
الورق بيديك والظاهر يكوش=لانك عليمي ومشروعك غبر
الرصاص الحي فارغها قفوش=والتبع ماحداً على عشه عبر
والبلا هالوقت صافي للكدوش=جامعين البخل بهدوم الكبر
وسلامتكم ,,,,,,,,,,,,,,,,,, 1/1/ 1434 هــــ