السلام عليكم ورحمة الله وبركاته
وكل عام وأنتم بخير
أعتذر لكم عن الغياب
وإليكم هذه المتواضعه ..
/
ماني بمتعود على غيري اعيش=لي مخلبي وانا على الصيد قاوي
الطير يكفخ بالسما ينفض الريش=والذيب في راس الطويلات عاوي
ومن به غشش ينقال بطنه مغيشيش=يلبد عن الرميه ولو هي سماوي
الطيش ماينفعك يامدور الطيش=ولا ينفع الرعيان حلو الغناوي
الحرب ضرب الجيش لاقابل الجيش=ماهو بحرب مجمعين الدعاوي
والا انت درويشٍ ونوب ٍدريويش=لنت من اهل مكه ولا انتا حساوي
يابو لهب ماينفعك نسبة قريش=بالنار مالك يالقريشي مداوي
حطيت لك نقطه وعسكر وتفتيش=وماعاد لي قلبٍ لزلتك ياوي
ولا صرت متعود على غيرك تعيش=لي مخلبي وانا على الصيد قاوي
/
/
تركي فلاح