[عبدالرحمن الجابري الحربي]

المشاركة الأصلية كتبت بواسطة محمد خلف الزايدي

الوقت يمضي والزمن يهدي جروح=والآدمي ما بين وهم وحقيقه
واقسى جروحـ (ن) تجعل القلب مذبوح=جرح الرفيق اللي بطش في رفيقه
تدري بسيطة مسألة وقت ويروح=تتبدّل أحزاني فرحْ عقب ضيقه
لا تحسبنّي عقب فرقاك بانوح=لا والله إلا العز فيني سليقه
هذي كرامة ما بها ضحك ومزوح=يبطي سفيه العقل ما بَلْ ريقه
اللي يبيني يبشر الباب مفتوح=واللي جفاني يا عساه بحريقه
لكن طلبتك قبل لا قول مسموح=بعلمك درس الحياة بدقيقه
خلّك وفيـ (ن) طيب القلب مشروح=تكسب محبّة واحترام الخليقه
واصحى الحسد والحقد من قلبك يفوح=ايحمّلك ياهوه مالا تطيقه
خوّة رجال العز تبني لك صروح=ولاّ ردي القوم حذرى رحيقه
اليوم طارح باكر تصير مطروح=والآدمي يلبس ثيابـ(ن) تليقه
ولاّ اختصار الهرج كله وبوضوح=فتّح سموعك سجله بالوثيقه
إن كان صار القرد بالعين مملوح=الله يهني الصديق بصديقه
لا ناقص(ن) عمري ولا فاقد(ن) روح=الله يسهل للحبيّب طريقه
ماني وربي عقب فرقاك بانوح=دام الكرامة والمعزّة سليقه
اللي يبيني يبشر القلب مفتوح=واللي يروّح يا عساه بحريقه

وسلامتكم ،،،

تحيـــــاتي / شاعر عظيم المشاعر ،،،
29/6/1433 هـ
20/5/2012 م

الجاابري
صح لسااانك وعلاا شااانك
الجزل لاااتي الا بالجزل اهنيك على هالابدااع الراااقي
والاسلووب الكاايف سلس المذاااق لقد ارتوينا شعرا عذبا
ودي واعجاابي وفايق احترامي

الغالي / محمد الزايدي

صح بدنك يا بعدي

شاكر لك رقي أخلاقك وجميل عباراتك ومرورك العذب