اتمنى ان ترتقي هذه المتواضعه الى ذائقتكم
وان تحوز على القليل من اعجابكم واستحسانكم
ورحم الله الشاعر الامير / طلال بن الرشيد
والملهم الاول لهذه الابيات ...
=====================
انا وشلون ابي حبٍ بحال وينتهي بأحـوال=تبينـي خوذنـي وإلا بعيـدٍ ببتعـد كلـي
دخيلك لا تخليني على درب الشـقـا رحـال=وأعاني واقعٍ مؤلم حزيـن وأنـت متسلـي
عطيتك كل ما أملك شعورٍ صـادقٍ وأمـال=ظميتك عاطفه وإحساس ومنك مارتوى غلي
غـرامك لو بـدا ذره تمكن بي وصار جبـال=ولو دك الحشا زالزال ابد ما يـو م ينهلـي
غرامك طفل ربيته وصار بداخلـي رجـال=إذا جيتـه انا مقبل لفانـي يضحـك يهلـي
أنا ما العب على الحبلين ولاني كاذبٍ دجال=ولالي بالشعر حاجه إذا ما أرضي بها خلـي
معك رغم العنا باقـي وحبـك ثابـتٍ لازال=يلازمني مثل روحي مثل فكري مثـل ظلـي
رحم ربي طلال اللي بشعره والمثايـل قـال=بدا بيتٍ تميز بـه سمـا للمجـد واحتلـي
أنا ماقدر اكون أني حبيبٍ في بعض احـوال=أنـا كلـي اجـي وإلا اروح بعزتـي كلـي
=====================
مشعل الفدغوش
=====================