اقتباس:
|
المشاركة الأصلية كتبت بواسطة ياسر التويجري
انا يا محزمي ضاقت عليّ ومـا نويـت قعـود=انا طالبك رح شـف لـي محـل فـوق طيـاره
ابرجع فوق ملسات الجوانـب خارقـات النـود=وخل اللي ماهو مثلـي يعـوّد فوقـي حمـاره
انا ما عاد لـي مقعـد بـدار الحاكـم النمـرود=وترى الوافـي ليـا منـه تباطـا حـن لديـاره
اباعـوّد لمرباعـي ودار المرجلـه والـجـود=صناديد الرجـال اللـي تحفـظ الجـار وجـواره
انا بسألك وش أحسن من الصحـه وآل سعـود=تـرى ذولٍ مـن أنعـام الحيـاة ولـذة ثمـاره
أبعـوّد أبعـوّد وخــل الـهـرج والـمـردود=وانا مابي مخاضيـر الجبـال وقطفـة أزهـاره
بقلبـي كـن ثلثيـن المدافـع يهدمـن سـدود=لـوازم حاجتينـن تنتظـر هالبـوح وأسـراره
بودي لا رجعت أسجـد وبحمـد ربـي المعبـود=وأقول ان الزمن ظالـم وأقـول النـاس غـداره
وأكمل لازمي وأركض لقصرٍ ما عنـه منشـود=جنوب الدار في وجهـه حيـاة وتشتعـل نـاره
انا ما قول هالقصر الكريـم الشاهـق المعـدود=انا أقـول الكـرم كلـه تظلـل تحتـي أسـواره
يذري لعنبو قصرٍ تنحـى عـن ذرى المطـرود=يحيـي لعنبـو حـي البخيـل وكثـرة أعـذاره
تمركز فوق مزوي الهضاب وفوق نبـت العـود=وراهـن بـن تحتيـه ربيـع وتمشـي أنهـاره
لأنه من سكن وسطه ولد ماجد عريـب جـدود=نعـم عبدالعزيـز اللـي نحبـه كبـر ايطـاره
وهو من كثر ما يجمع صفاته ت////ر المحـدود=ألا يـا مطيـب فعولـه وألا يـا مكثـر أدواره
أميـرٍ لا بغـا يامـر يفـت لطاعتـه جلمـود=مع ان الأمر يركع لـه ولكـن تلمـح اصـراره
كريمٍ كن كفينـه علـى جـزل العطايـا شهـود=وهو لا مد ما تدري يمينـه وش مـع يسـاره
شجاعٍ لأنتحـت هيجـا يـدك الملـح بالبـارود=ولا يا المخطي أردى لك وهو ما يخطي عيـاره
حليمٍ شفته بعيني رفـع سيفـه عـن المقـرود=نفض بشته عن البطش الحـرام وطيّـر غبـاره
حكيمٍ مجمل الحكمه تراها فـي طبـاع سعـود=ولـده اللـي تـذرا فـي ذراه وطبـق أشـواره
أنا عينـت بـه شـيٍ يسمونـه ليـان الكـود=تواضع مـا بعـد شفتـه بشيـخٍ بيـده أمـاره
أبك حنـا اليـا منـا عجزنـا ناصـل العنقـود=من الكبر وعذاريبـه نقـول العيـب بأشجـاره
فما بالـك بأميـر وحاكـمٍ يستفزعـه مجحـود=أميـرٍ مـن خلقـه الله بكفـه عـذق نــواره
وش يسوي ليا مـن الضعيّـف عانقـه ملهـود=يبـي فزعتـه والشكـوى لربـي طيّـح زراره
يرصه وسط عين اللي عيونه من قهرها سـود=جليـس للرخـوم اللـي بـلا مدلـول ثرثـاره
أباصل سيدي وأرجي عسـاه بماكـره موجـود=وأبثني ركبتـي قدمـه وأحبـه وأسكـر بهـاره
جبرني غصب من طيبه أحبـه وأفقـده وأعـود=وأجيله كني المجبـر بعـد مـا فكـوا حصـاره
هذاك اللي ليا مني فقدتـه عشـت بـه مفقـود=هذاك اللـي ليـا منـي لقيتـه طـرت بأنـواره
عجزت أقدر على وصف الشطير الصارم المجرود=عجزت ألمسه في شعري وأعز الشعر بأشعـاره
قصر في عيني العبسي ووايلنـا وروبـن هـود=وشو سيف باهلهـم بوسـط حـروب ذي قـاره
قصر في عيني الشارد وراع الصفر والمشـدود=وأبو ليلى قصر معهم لو أنه مـات فـي ثـاره
شهر مثل الحرار اللي رقت في عالي المسنـود=نزل في قلـب مـردي النصيـب ودق مسمـاره
////ر كل القواعد سيدي صاحـب سمـو الجـود=لأنـه يدخـل قلـوب الأوادم قـبـل إشـعـاره
لأنه من وصل بيته وهـو ميـت طلـع مولـود=ولأنه دون ما يبـرق ويرعـد تهطـل أمطـاره
ولأن الناس من ذكره تحبـه مـا تبـي مـردود=ولأنه دون ما يرقـى منابـر صـاروا أنصـاره
ولأنا ليـن هاللحظـه وحنـا ماسكيـن حـدود=ولا شلنـا تماثيلـه ولا طفنـا علـى جــداره
عسى الله لا يورينا عـذاب الفـارس المحسـود=وعسـى الله لا يقفينـا غـلاه ونفقـد إبصـاره
أنا من وين ما جبت القصايـد أطلـع بـلا فـود=مع أنـه رمـز تجديـد القصيـد وقـل تكـراره
مصيبه كل ما أثني له حروفي أكتشـف بـه زود=وأصير بحضرته غادي ونفسـي فيـه محتـاره
لك الله يا ولـد ماجـد طلبتـك أرفـع المنقـود=وقدر ظرف من روحـه فـداك وهـل معبـاره
وأنا أدري فيك ما تحسب حساب ولا وضعت بنود=ولا كج الدسـم كفـك وعينـك ترقـب حـواره
ولكني أنا ما أنكـر كريـم ولا رضعـت يهـود=أنا من نسل أبن وايـل معـرب فخـذي جبـاره
أحسب أني علـى رد المثايـل والثنـا محسـود=وأثر ما ألعن مـن اللـي يمـوت بيـد بيطـاره
وأنا يا سيـدي ودي ختامـاً تعـرف المجحـود=تـرى ماسـم سمـوّك بينـه بالقلـب اثــاره
اخوكم / ياسر التويجري |
ياسر التويجري
صح لسانك أيها الشاعر المبدع الرائع
دمت ودام عطاءك المميز
تقبل تحياتي