أسعد الله جميع أوقاتكم بكل خير
اخترت لكم هذه المحاوره الرائعه التي جرت بين الشاعر الكبير والرائع كريم رحيل العنزي وبين الشاعر الكبير نواف العازمي
نواف العازمي
ياسلام الله على بيت الشرف والنور بادي= والليال البيض محداً شافها لولا قمرها
شايفاً لي شاعراً دايم عن الناس متحادي= كل ماقلنا علامك قال لي ما الله ومرها
كريم رحيل
مرحبا ترحيبتاً تفرق بياضٍ عن سوادي= والرجل بعض المصايب مايحول في نحرها
المزون مخيَّله وسيولها مع كل وادي= والكواكب في سماها والسفينه في بحرها
نواف العازمي
انت عادي مير عندك شي والله ماهو عادي= مير انا ياشافتها ياصاحبي ماقص أثرها
ما لقينا في حراج السوق ياغير المزادي= كل مايركد هواها مرها عمر وعمرها
كريم رحيل
مانجيكم غير مع درب الشريعه والمبادي =طول الهرجه وسيع المعرفه وإلا قصرها
انت غادي حال وإلاحال يمكن مانت غادي= كيف ابنصر عالماً ربي تعالى مانصرها
نواف العازمي
كان صارت ماتقص الراس والابالثنادي= غيرهن لوهي على حد السماء مانعتبرها
مايشككني عديم العرف في ملحي وزادي= والرجال لها مواقف والمواقيف اتخبرها
كريم رحيل
من يرجعها بعدما ذاع فيها كل رادي= من تغيب عن عيال قريش مثل اللي حضرها
والله انَّ مانبي كود الصراحه والوكادي= مايطيح بحفرة الشيطان كود اللي حفرها