يالي رقيت بعاليات المشــــــــــــــــــــاريف= قبلك رقيت بروسهن واتـــعبني
حمر الهضاب النايفات المشــــــــــــــــــانيف= الي بهن سحم الذيابـــــه عوني
تجاوبن بارض بها الزول ماشـــــــــــــــــيف = واستسعرن يوم الديار امحـلني
عسى السحاب الي تقـــــــــــــــافا مراديف = يسقي ندف نيـــــــال ميجنبني
ليقبل علينا برقهن له رفـــــــــــــــــــــاريف =ياما نحف عن قوعهن ورتكني
وشال الغضى الــــــــــــــي نابتآ بالطاريف0= ليما ركب فوق الندف وتقنــــي
فــــــــــــــــــج الطعوس وذرف القاع تذريف= وخبر الطرودي والهبوج امتلني
وعروس تزمي كنها شاطي الســـــــــــــيف= هابنها القطعان لايــــــشرعني
مـــــــــــــــــــــــن مدلهمن كنه الليل لاشيف = البــــــرق يلعج وارعد مايوني
يســــــــــــــــقي طفيحا والغوار المكاهيف= ارجع لهـــــا يوم الديار ارجعني
بديرة ماتنــــــــــــــــــــــوصف بالتواصيف= لو اتمنى ماتجـــــــــي بالتمني
تلــــــــــــــقا بها عجف العشائر مشاعيف=هن والمها بحزومهـــــن يرتعني
والعــــــــــــــــين هلتمن ادموعي ذواريف=ابكي علــى مافات والقلب حني
حنين ذودآللمــــــــــــــــــــــــــوده موليف = سمعآ لهن صـــوتآ بعيدآ يغني
عزالله انـــــــــــــــــــي مثلهن بالتواصيف= ليروحن عقــــب العشا واعولني
طراء عليه شلــــــــــــــعت النجع بالصيف= يوم الضــــــعون بوجهن غربني
ياما توطن فيضة الهـــــــــــــجم واطريف= صوب الحزوم الـــي شمالآ زمني
ديار الجلاس بوجــــــــــــــــهن بالمذريف=فاتن وسيع اديارهـــم واشملني
تنــــــــــــــحرن ديرة ضنا عبيد بالصيف= بالشط ياما اضـــعونهم شرعني
ودشن هـــــــــــل العرفا من غير تعريف= سيفآ شطير وشذرته ماتسني
وربعي ضنا ماجد احمــــــــات الاطاريف= نطاحات العــــايل برمح المطني
والولد نذخرهم لصــــــــــــعب المواقيف= وانا اعتزي بالولد ولولد منـــي
هذي امناتي لو تجيلي على الكــــــيف= وعز لمن رغبــــات قلبه تمني
الشاعر / عايد بن ضافي الجعفري العنزي