[عبدالله ثويني المانع]

السلام عليكم .. أسعد الله قلوبكم

..

..

..

..

يا ثقل دم الشعـور اللـي يخالجنـي=ما بين كذبه وصدقه ضـاع تخمينـي
يعزف على لحن يربكني ويزعجنـي=يثير بي شك في صدق أجمل سنينـي
جاني على حين غره قصد يحرجنـي=واحتل روحي وقدر يقلـب موازينـي
تكفى حبيبي تمـد ايـدك وتخرجنـي=من ظلمة الهـم تاخذنـي وتنجينـي
سجين كثر الظنون وضقت من سجني=تعال حرر قيـودي واطلـق ايدينـي
مريض من غيبتك عجـل وعالجنـي=دكتور قلبي بوصفة وصـل تبرينـي
لو مت تبكي عيون الجاني المجنـي=ما خفت موتي ولكن خـوف تبكينـي

..

أرق التحايا لقلوبــكم
أخوكم / عبدالله ثويني المانع

..