[شمــــــــوخ]

أهلآ أميرة المشاعر وأهلآ بطرحكِ الجميل

جذبني العنوان كنت أبي أعرف وشدخل الرز ؟

بس جد موضوع راااااااااااايق ويبيلي كاس شاي وفصفص عليه : )

لب الموضــــــوع :

يظهر أن الزواج التقليدي اصبح في وقتنا هذا عند بعض المجتمعات زواج محكوم
عليه بالفشل فنظرا لتعدد سبل وطرق التعارف بين الشباب والبنات الواضح اصبح من الممكن للشاب المقدم على الزواج ان يختار فتاة احلامه التي يتمناها ويضع شروطه في زوجت المستقبل ويجد كل مايتمناه واكثر بكبسة زر,,
قديما كان الرجل يجد فتاة احلامه بكبسة رز اما الان فاصبح الشاب يجدها بكبسة زر ,,
والمعنى ان رجاجيل قبل كانو يدورون عن البنت اللي تكون ظفره يعني مو مهم الجمال قد السناعه واهم شي كبسة الرز ياسلاااام ومو مهم الجمال بس ماتكون شينه عااد مره اهم شي تكون دينه وتخاف الله و انها تكون بنت حموله وسنعه فعلا مواصفات معقوله
اما الحين لاااا تغير الوضع كليا عند بعض الرجال فصار يبحث عن زوجته بس بكبسة زر يعني ممكن يعرض المواصفات اللي يبيها على احد مواقع الزواج ويلقى البنت اللي يبيها ووطبعا الحين اختلفت المواصفات عن قبل :

وهذا التحول شي طبيعي .. لعدة أسباب .. أهمها (ثورة الإتصالات ) ..

فسابقاً كان الزواج لايتعدى محيط الأسره الواحده .. اما اليوم أختلف الوضع كلياً ..

صار فيه شروط ولازم تتوفر :

البشره: بيضاءاذا كان هو اسمر يووووه يصير اهم طلب عنده هو انها تكون بيضاء وطبعا الرجال اللي بالسعوديه وخاصه بنجد الاغلبيه سمران فالطلب على البيضاء اكثر وبعد من كثر مايشوفون هالقنوات وهلي لاطيين بوجههم طبقات الاساس فهذا يعني ياثر فيهم اما اذا كان ابيض فيتمناها سمراء وطبعا السمراء محبوبه في الحجاز يمكن اكثر وعند القصمان بعد نظرا لان البيضان اي ذوين البشره البيضاء اكثر من السمران اي ذوين البشره السميره

ماشاءالله كلام واقعي بصراحه وملموووس ياحبهم للتشرط هالرجال ..؟

الطول:طويله او مربوعه يعني زين طولها هذا اذا كان الرجال قصير لكن اذا كان طويل يتمناها طويله بس عشان لي طلعت معه قدام الناس تواجه الحمدلله والشكر-

تبقى المسأله مسألة ذووق بس مري على موضووعي هناك يقولون القصيرة جذابه

الجسم :عاااااد حدث وفيه حرج لازم طبعا يكون جسمها قريب من بيونسي او شكيرا بمعنى اقرب يكون مثل جسم هيفا بس انا انصحهم بجسم اليسا لان فساتين السهره تكون ازين عليها، بس في هاذي الصراحه ماالومهم انخطفت عيونهم من اللي يشوفونه بالقنوات بعد ال بي سي وملكات الجمال وهيفا ونانسي وسوزي وبوبي وكوكي وبوري ----> خاشه عرض ، لهم حق ينبهرون ويتمنون ويحلمون , مايدرون ان النفخ والشد والربط والشفط عاملين عمايلهم الله لايبلانا,

هنا عاد لاأفراط ولاتفريط ... والرشاقه زينه ومطلوبه هالأيام : )

الشعر: ليل نقل حمرة مساه (الله يعافي الصبغه )
اجعد حول على صدره همل (الله يعافي الخروع)
مايجن من فوق متنه ماطواه(الله يعافي التوصيله)
لون شلال مع المغرب نزل (الله يعافي الفرد )
بس اشوى الموضه الله يعافيها من الشر خادمه الكثير بهالموضوع يعني الحين الكشش والتجعيد صار موضه ومرغوبه بعد ,

ههههههههههههههههههه أي والله الحمدالله كل شئ متوفرلناعلشان نسدعيوناتهم به
بس وين اللي يقنع ؟

لا وبعد الله يديم الرخص صارت المشاغل تتنافس على تخفيض اسعار الاستشوار
يعني يجيك مشغل راز لوحه وش طولها مكتوب عليها قص + استشوار+صبغه +مناكير وبوديكير بـ 100 ريال
وتشوفها صاحبة المشغل اللي جمبهم وتروح تكتب لوحه اكبر من لوحتهم
استشوار 40 ريال والقص 30 ريال (عرض خاص ولفتره محدوده)
ويشوفهم راعي مشغل بس بحي ثاني غير حيهم بس مر بالصدفه وشافهم(صارت قصه) ويقوم يوزع اوراق دعايه لمشغله وتخغيض 30% لحامل هذا الاعلان (يقال له اكشخ يعني)
الله يجعلهم دايم على هالحال لين يصير انشالله قص والاستشوار مجانا عاااد فله
كل يوم بنجي نقص بس خاف نقرع ومعاد يبقى شعر يستشور ,

فوائد قومً عند قومً مصائبُ ... أرزاق ومصالح ...

وياللي تقول قفلوا المشاغل لاتقطعنا رزقنا<< ماتقصد مهاجر أبد

ولكن أعتقد أنه لايصلح النجار ماأفسده الدهرُ

الكشخه: عاد لازم بعد الجسم والطول والبشره والشعر ماتصير مخلقنه وقرويه والا وش سوينا لازم تكون كشخه لي دخلت عند اهله الكل يسال وين مخيطه لبسها منه ولا وين شاريته منه

( كل مايعجبك وألبس مايعجب غيرك ) لكن البساطه حلوه .. والشغله تعتمد على (الذوق) : )

الرومانسيه: تكون رقيقة المشاعر والاحاسيس يعني حليمة اطباع وحلاها بيديها تتكلم بهدوء وشوي شوي لزوم النعومه والركه (بس للامانه هذا الطلب مو اساسي يعني ممكن اذا توفرت جميع الشروط ماعدا هذا يغض النظر عنه او حتى مايشترطه من الاساس)

ههههههههههه الرومانسيه اللي تكون عفويه تكون أصدق بنظري.. وليست بالكلاام فقط
حتى النظره فيها رومانسيه ...

مدرسه او موظفه :اهم شي تصرف على نفسها وتفكه من الغثاء ويكون راتبه كله له اصلا حتى لو انها غير موظفه الراتب كله له الا الفتات مسيكينه وبعد التحبب والترجي يالله يحن عليها ويعطيها شي من هالراتب بالاعياد والمناسبات الكبرى فقط والباقي الله يعافي خواتها ويديم الرخص,

الله المستعان ... أذا هو يدور على موظفه علشان تصرف على نفسها وين حقوقها هي بالنفقه عليها ؟؟

عااااد مشالله الله لايضرهم مني بعين اخر شي يذكرونه هو الاخلاق لا ولي ذكروها قالو ((( نبيها ونبيها ونبيها ونبيها وترى اهم شي الاخلاق وتكون دينه وتخاف ربها ))) اقول صباح الليل توكم تذكرون

هنا الكلاام الحلووو أهم شئ الأخـــــــــــــلاق لاتقولون لي موظفه ومعها راتب ولاجمال ولاشئ لأن الجمال ممكن يروح لو كان مزيف طبعآ بمجرد مسح الميك آب صباحآ

لكن الأخلاق مهمه ...

الزبده كلنا نعرف ان الجمال شي مهم الله سبحانه وتعالى جميل ويحب الجمال بس لانبدي الجمال على اهم شي اللي هو الدين والاخلاق وبنت الحموله الذربه السنعه المؤدبه العشره الطيبه الحنونه المثقفه اللي تراعي رجلها ومشاعره وين ماكانت واللي وش مايسوي فيها ماتذكره قدام الناس الا بالخير وماترضى عليه لو انه محسرها وموريها الويل يبقى هو ابو العيال وتاج الراس والعزوه وظل راجل ولا ظل حيطه
(بديت اخربها ) اشوفكم على خير مع وجهة نظر اخرى ,,,

كلام ائع سليم وماخربتيها أبد

.

كل الشكر لتس عزيزتي .. وللموضوع الحلوو