من يذكر الرحمن وبالغيب يخشاه = له منزله عند الكريم ويناله
والوالدين وحقهم لو عرفناه = من يرضي الابوين ربه رضاله
والدك بره وأكرمه وأتبع رضاه = وأخفض جناح الذل لاهل الجماله
وأسألهم الفردوس منزل من أعلاه = من الكريم اللي يجيب المساله
يا لله يا علام بالسر وأخفاه = تلطف بعبدك وأنت عالم بحاله
يا مطلعً يونس من الحوت بعراه = يا مستجيب لدعوته وأبتهاله
يا منزل القرآن بالحق نقراه = على الرسول وزال غم الجهاله
وصلوا على اللي طيباتً مزاياه = جاهد بدين الله وأدى الرساله
صح السان ام ماجد ..
ولاهنت ياتركي بن صالح ..
قصيده جميله ورائعه وتحث على بر الوالدين وفيها من الحكمه الكثير ..
تحيتي لك / مشاعر حالمه .