احبتي اخواني اخواتي المتابعين لي في هذا النتدى الجميل بجمال متصفحيه اهديكم هذه القصيده تعتذر عن طول غيابي
ياسعـدها ارض الكويـت وسماهـا=وياحظها الجهـرا ودار السلاطيـن
يـوم ان وضـاح الثنيـه وطاهـا=الجادل الي ما خلـق مثلهـا ثنيـن
قفت عن الديـره وروحـي معاهـا=وشالت عروق القلب من بين ضلعين
هو حظها او حظـي الـي نصاهـا=صدفه اوحانت وجمعت بين قلبيـن
اغضت بعينـن منتثـر منـه ماهـا=تشكي لمثلي من عنى الوقت والبين
تقـول لـي شيـاً بنفسـه عناهـا=عاشت بضيقه بيـن ناسـاً ملاعيـن
لا عطف لا رحمـه وكلـن نواهـا=طمع طمع فـي مالـها هالمساكيـن
عرفت انـا مـن حكيهـا محتواهـا=طفله صغيره عايشت لوعت سنيـن
ذكرتهـا بالصبـر والله رجـاهـا=الواحـد المعبـود رب الملايـيـن
هديتها واشعلـت شمعـت رضاهـا=واخبرتها ان الصبـر اخـره زيـن
قلبه حوانـي وانـا قلبـي حواهـا=واصبحت مصبر عن عنود المزايين
قالت لي اوعـد وابتلشـت بوفاهـا=لن الوعد بالقلوب الاجواد كالديـن
ظروفها عن شوفي مثلـي تحداهـا=وانـا ظروفـي مثلهـا ماتواتـيـن
لكن حلف قلبـي لهـا وارتضاهـا=وطلبتهـا طلبـت وداع المقفـيـن
لاكون انا سبـت عـذاب و شقاهـا=لا سيح الدمعات من محجر العيـن
ولا زيدهـا بلـوه علـى مبتلاهـا=وكون انا الشـده وانا مـن اول اليـن
صدفه عجيبـه والله الـي قضاهـا=وانا الشريف ولا بمشيـي طريقيـن
الله يحفظـهـا ويقـبـل دعـاهـا=وانا افرحهـا مـن الحيـن للحيـن
قلته وانا من ربعـي الـي نصاهـا=يبشر بعـزه لـو تثـور الشيطايـن
عبد الله المعزي