جمعت فكري وستهليت الابيات=والنفس من ضيم الليالي مليا
حاولت اعدل واقعي مثل مافات=وقتن تلاشا فيه نفسي فضيا
هذاك وقتن راح كله مسرات=قمة ربيع العمر ضلن وفيا
بيني وبينه لو حسبنا مسافات=ابعدمن العالم للنجم الثريا
واليوم وقتي باينله علامات= فيه المشاكل تطوي النفس طيا
وقتن اخذ مني واذا قلتله هات= ياخذ بعد مره بليا دريا
وقتن محسبه نجوم المجرات=وقتن يهينك يابو نفسن غنيا
وقتن تمايلبي ومابه سلامات= يهد عزمك لو عزومك قويا
ياالله سترك بالمصايب والافات=وياالله هديك للطريق السويا