اقتباس:
|
المشاركة الأصلية كتبت بواسطة ناصر الجابر
الله يعـين اللي نـقـل هـم فـرقــاك=عامين والثّالث إيصارع إهمومه
مايداوي القلب الشقي غيرلا ماك=يـامن غلاه أودع إبقلبي إوهومه
ماأظن لوطالت لياليك ننساك=يامن ودادك بالضمايرأوسومه
لاعاديطري لك مع الوقت نسلاك=مادام طيفك عيّف الطرف نومه
يزورني طيفك أوتبراه ذكراك=والنوم عن عيني تضده إحلومه
ماأهناسعدياصاحبي لين نلقاك=وين السعدياشوق ليله أويومه
أناالتعيس أوكل مابي ينخاك=رجلٍ تعلّق فيك هذي إعلومه
جرح الضمايرمنك والجرح بدواك=والحب من عينك رمتني إسهومه
الله هواللي ياهوى البال سوّاك=أوفي سيف زينك من يودّك تهومه
ربِّي وهبلك من حلاالزين وأعطاك=أعطاك جيّاب المطرمن إغيومه
يازين زولك ياهوايه أومحلاك=أويازين جسمك زاهياتٍ إهدومه
يقوله اللي صادقٍ فيك يبغاك=يعطي غلاغاليه هذي إسلومه
يعطيك من روحٍ تحبّك أوتهواك=لوكان خلق الله تقول أوتلومه
يشريك لويغلابالأسعارمشراك=وشعادلويغلون بالسعرسومه
نفسي تداعتلك أوروحي تمنّاك=وأيضًاعلى مبغاك روحي جزومه
مالي هوى بالحب ياشوق لولاك=يامن غدت نفسي إلحبّك هيومه
تيذل جهدهاماتوانت إلعيناك=لك ياعشيري كل وقفه أوقومه
جفيت كل البيض يازين لرضاك=ماغيرأناأفطرفي غلاكم وأصومه
أسألك بالله يالغضي كان جيناك=وش تعطي العاني إلياأقبل قدومه
هذاالقصيداللي معانيه تعناك=من بادي الأمثال لآخرإنظومه
ميرإرحم اللي شال بالروح غلواك=فوق الرواسي حطّهافي إرجومه
صان الغلافي خافقٍ حب شقواك=بأوسط ضميري بيناتٍ إرسومه
رسمه صبغ بالقلب مادام محياك=دامت إبجاشي والمحاني إرقومه
مادمت حيٍّ ماأتساهل إبرجواك=أرجيك من نفسٍ غلاهاترومه
ماصابني ياصاحبي غيرمرماك=لكن عسى روحك عليّه رحومه
أحب شوفك وأتماثل إلمشهاك=وأسهرإليام الليل تنحي إنجومه
يم المغيب إلياأدبحن قام حيّاك=قلبٍ تجدّدمن ودادك إثلومه
أنت الذي تبري إبروحي سطاياك=ماأحدٍتراغيرك إيسدّدإخرومه
لوبالغلاشيٍّ خطأماعشقناك=والنفس ماهي عن خطاهاإمعصومه
عسى الولي ينهي تسابيب فرقاك=من بعدثالث عام يجلي إهمومه
|
الشاعر : ناصر الجابر
صح لسااااااااااانك