[حمد الوايلي]

	ياالله ياعالم بسري وغيبي ياواحد(ن) معبود يارب الاكوان فيك استعين بقوتك ياحسيبي بحكمك رضيت وداخلي هم واحزان اول رجب مريت بامرن صعيبي فارقت ابوي الي هو اعز انسان جيته وانا مشتاق قبل المغيبي ولشوفته متعطشن حيل ولهان شفته ولكن كان حاله غريبي وضعه خطير وحالته حيل مرضان ناديت ابوي شفيك وهو مادريبي وقبلت راسه وناظر وكان تعبان وقربت منه وخاطري فيه ريبي ضايق ومتكدر وصرت منه حزنان مرت دقايق وامي جت تنتخيبي ابوك ماادري شفيه يافلان يافلان وركضت له والخوف منه يغديبي وجيته وعرفت ان القدر لحظته حان يبه 000يبه ناديت وهومايجيبي وهذا القدر واضح وللعين قد بان ومن لحظته وانا بجرحه صويبي ياجعل قبره جنه وروض رضوان جرح الفراق اظن ماله طبيبي شكواي لله غافر الذنب رحمان أنا اشهد ان فراق ابويه صعيبي وهذا القدر معروف من ماضي الازمان باطلب له الرحمه وربي مجيبي وادعو له الجنه ومن الذنب غفران