[نمش الشمري]

ليت منهو معه جنحان طير ويطير = من غصون شجره على غصون شجره
تعبت اقدام رجلي من طويل المسير = واكثر الحيل راح و راحت المقدره
كل ما قلت صارت حاجتي ما تصير = قسمت الله هذي واحمده واشكره
ويا عيوني عيونك مثل بحرٍ غزير = من سبح في عيونك ما يرد اخبره
ارحلي يا عشيره دوّري لك عشير = خلي الذنب عنك وخوذي المغفره
لا تقولين تخسر قد خسرت الكثير = ما بقى في حياتي شي لاجل اخسره
ما سمعتي حياتي وش يقول الضمير = ليل ماهو بليلك نام لا تسهره
لا تكشّخ بثوب الاغنياء يا فقير = ولا تعاند زمانك .. والسبايب مره