اعزائي ضيوف واعضاء منتديات ويلان
اسعد الله جميع اوقاتكم بكل خير
ارجو ان تتقبلون هذه اللقصيدة بين جواهركم
يابو محمد لجلي الفرد رده=وديتني جده وانا عشقتي شرق
تقول نستانس وانا الوقت اعده=متبهذل ٍ واشوف واحسٌب الفرق
حتى عيوني جافيات المخده=ماتشوف جرتهن على وجنتي حرق
يطيح عزمي ثم باسي يشده=باس ٍ شديد مورٌثه جدنا عرق
يقول قلبك للصعيبات حده=والطيب قمه وانت للطيٌبه ارق
واقول يا جدي ترى ازريت صده=قلبي يبيها غصب ويجاوب الورق
حب وعشقها صدق من جد جده=حبه بحر والقلب عاشق وبه غرق
دخيل رمشينه مع َ لون خده=مثل الظلام ليا كسح ظلمته برق
بنات فكري لوصفهم مستعده=لاشك زينه ما نبي يفضحه طرق
متى يديني تحضن اصباع يده=حضنة حلال ومابها دس او سرق
ثم افتخر في قربه وبسم جده=فخر النسب ماهو مثل جمعت الزرق
من روس ربعه والمراجل تعده=ماهو من اللي بالمجالس لهم قرق
وانا وربعي بالمواقيف قده=نطو المراجل طي ونظم الطرق
ربعي نشاما للعدا مستعده=من دم غازيهم غدت تنبت البرق
وارجع واقول القلب بيحت سده=وديتني جده وانا عشقتي شرق