السلام عليكم .. أعتذر عن الغياب
متواضعة والإهداء للعزيز / مزيد المزيد
ولقلوبكم الطيبة ......
..
يا باعث الصوت .. لحظة صمت واسمعني=اطلع عن العقل للـ .. لا عقـل وجنانـي
ابلعنة الشعر.. ما يكفي لــ ..هنـا لعنـي=والذنـب للذنـب وإغوائـي لشيطـانـي
يا باعث الصوت.. ( ودّعني ) مهي دعني=وان راح جاني واذا ما راح بي ( جاني )
الشعر وافي صخـي مـا يبخـل بطعنـي=أكون جاحد نِعم لـو قلـت مـا اعطانـي
أسقانـي الهـم واروانــي واشبعـنـي=أكبـت شعـوري ويكتبنـي ويقـرانـي
للدرب الاول وذكـرى ( هنـد ) رجعنـي=وشكل بحزني سمـاء وصـار جنحانـي
ما اقول قاسي نبـش ذكـراي واوجعنـي=أقول ناسي سأل عن ( هنـد ) وابكانـي
ولا اذكر إنّه نسـى فـي ليـل يجمعنـي=ويلم شملي على الغايـب مـن احزانـي
يـزرع بدربـي دجـا ليـل ٍ يضيعـنـي=واروح ادوّر علـى روحـي ولا القانـي
أشـلاء أجـزاء فـي بيـداء وزعـنـي=وبي داء يجمع قـواه بقلبـي الوانـي *
إذا غـذاءه جروحـي كيـف يمتعـنـي=إذا غنـاءه بنوحـي لحـنـه اشقـانـي
بسنـان رمـح العبـث للمـوت يدفعنـي=ولو يعلـم المـوت حالـي مـا تمنانـي
يا باعث الصوت مخطـي يـوم تسمعنـي=اسلـم بعقلـك قبـل لا اعديـك بجنانـي
..
* الواني : المريض
..
اخوكم / عبدالله ثويني المانع