[سندريلا]

انا زئفت كتير كتير



اولا مشكوره على الطرح الممتع ولو ان الموضوع عور عيوني بس الحلو فيه انه متنوع ومو على وتيره وحده فيه اسلوب تشويق واثاره


المهم مالكم بالطويله


بالنسبه لنا حنا القطريين الحمدلله عايشين عيشة دلــــــــــــــــع لا كهربا بفلوس ولا ماي كله مجانا من الدوله الله يعزها لازم الحكومه تميز المواطن عن المقيم هذا شي لا بد منه وماقصد من كلامي تحيز او عنصريه لا طبعا

وعلى طاري الكهربا حنا متعودين من الحر اللي عندنا ان مكيفات البيت ماتطفي ليل نهار سواء كنا موجودين او طالعين عاد يوم رحنا للسعوديه خداماتي يحسبن مثل قطر المكيفات 24 ساعه مشغلاتها وامي تمشي وتطفي وراهن .


نجي للجامعات حنا عندنا اللي يجيب 85 يودونه بعثه خارجيه يدرس على حساب الدوله اي تخصص بأي مكان يختاره وربي قلبي يعورني على السعوديين يجيبون نسب بالهبل واخرتها مثل ماقالت شموخ ماله كرسي ولو لقوا له كرسي بعد التخرج ماله كرسي وظيفي وين يروح وش بيكون مصيره شلون بيتزوج شسالفه ياجماعه ؟

عندنا بقطر مسمى الخويا هذا مثل الحرس الوطني عندكم شغلة الخويا هم الحرس الاميري او الحرس الخاص هذولا قسم بالله رواتبهم توصل 12000 و10000 واقل شي 8000 وهم ماكملوا الابتدائية انا احس ان هالشي يشجع الشباب انهم مايكملون دراستهم وهذا اللي صاير عندنا .

المهم شكلي استرسلت بالكلام صحيح الحريم هذرتهم واجد استحملونا

تشااااااااااااو