[هيـاا العـازمـي]

المشاركة الأصلية كتبت بواسطة بدر الحنيف

فزيـت مـن دافـع حمّيـا رزينـه = مي فزة مشجع على " قـول " نـادي
تثـور مـن دمـي بيـوت ٍ ثمينـه = تصفق مثل صفق الهنادي .. هنادي
البعـد للهايـم شــرارة حنيـنـه = واتصير نـار ان زاد فيـه التمـادي
في لوعة الحب طيحة العـود شينـه = يرمي به الشمـات شّمتـه هـوادي
تشبه مطيح بـلاد عظمـى حصينـه = بعـد تدهـور وضعهـا الإقتصـادي
يعني .. مثل صـدام بآخـر سنينـه = لدنات زله .. راح سجـن أنفـرادي
العشق .. من ينوي يطيح بيدينـه ؟ = العشق .. واّطيَت جمرتـه لا إرادي
معك يا ابو وضـاح والـدرب وينـه = ما والله أخذ عنك .. موقف حيـادي
عيب ٍ علي ان كان شفـت الغبينـه = وانا ابن عمك صار .. مر ٍ قعـادي
ابشر بعزك .. خافقـك لـه ضنينـه = يا العود موسى منت رجـال عـادي
عليـك تامـر واسّتـرح بالكبيـنـه = وإنسدك .. بفزعه تزيـل السـوادي
ناصل ديـاره وبرضـى " والدينـه " = معنا العروس وصوت " حّنده " يناادي
نجيك واتضمـه .. وعينـك بعينـه = ويزّهر جفاف الشوق بالحـب كـادي
مسعـى بشـرع الله يبسـط يمينـه = ركز .. إذا مبدى الحـلال المـراادي
تدري متى شـرواك يلقـا الغبينـه = ان شفت ما بالناس .. طيّب مبـادي

.
.

الله أكبر عليك يا بدر

.
.

بداية ..

كل عام وأنتَ بخير وصحة وسعادة

والى مالا نهاية ..

كل عام وأنتَ مُـبدع ومُـتوهج

كل عام وأنت متميز وجميل بكل شيء

أبيات تفوح بـِ عبق الصفاء والنقاء

وسرور رووح تتمخطر فرحة بمعانقة هذه الراائعة

.
.

لا جديد يا بدر

فالتميز والابداع متلازمان لكَ أينما حللتَ

صح لله لسانك وبووحك مليوووون ولا يكفون يالقرم

كل الشكر على هذه الباقة الراقية من زهور الحب والجمال والنقاء

خالص التقدير

هيـــــاااا