ياا مساء ترنيمة الشاعر/ اللي احتوى لب قلبه على العز والكبرياء الرجولي
ياا مساء الحضور والتواجد الماسي/ اللي أسرنا ببريقه ولمعانه
،"،
عبدالله بن مشعان
اقتباس:
|
المشاركة الأصلية كتبت بواسطة عبدالله بن مشعان
الله يغنيني عن القال والقيل ***وعن شوفة اللي ماتنومس فعوله
والله يبعدني عن الشك والميل*** والله يقربني لدرب الزحوله
العين ورتنا ضعوف وحلاحيل *** والقلب ميز في نتاج الرجوله
وانا عشقت الطيب والبن والهيل ***وراس الرجل يبني معالم ميوله
والله لااعيل ان شفت انا العائل يعيل *** واشوم عن درباً يجي به ثعوله
والراس مايخضع تحت حكمة الذيل ***والنفس محسوبه عن اللي تقوله
والوضع مزري لو يجي فيه تبديل *** دامه يطبل والعرب صفقوله
وماكبر بعيني زحول الرجاجيل *** الا قساة الوقت يوم ارتكوله
افرح ليا ذكروا رجالاً مشاكيل *** لن الدهر نسى عيال الحموله
ماينسي الماضي ياكود المهابيل *** ومن ينسي سلومه يامبعد وصوله
البال في وسطه تسابق هل الخيل *** واودع معاه القاف صوله وجوله
اهل الوفاء والطيب ذباحة الحيل *** اللي تحمل في ثقال الحموله
ياجيل انا همي سبايبك ياجيل *** جيلك ترى ياجيل ماله عموله
والوقت لو يجمع رموز التماثيل *** ما كان هذا الوقت صعباً قبوله
هذا الزمن يبغى له ادوار تمثيل *** اضحك وجامل لاتعيش البطوله
اكتب عن المجمل وخل التفاصيل *** وان قيل قوله ..قول والله لقوله
العبد لو يعطى على الكيف ويشيل *** اول ماينسف اقرب الناس حوله
وخلك على الدنياء صبوراً وحلحيل *** لاتصير عسر ولاتعيش بسهوله
لاشك جيب الكيف وجيب المعاميل *** بسوي فنجالي واكب الحثوله
كل مانشدته قال روح بتبتيل *** وكل ماسكت شوي نوخ ذلوله
احداً على الطيبه سهر لااخر الليل *** واحداً يدينه ماتعدى رجوله
الله يستر بالليال المقــــــــــابيل *** والا لعل الطيب يكثر هطوله
ياناس انا ماشره على شاطي النيل *** اشره على دار الكرم والرجوله
|
.
.
الله الله يا عبدالله
ما شاء الله .. تبارك الله
من أبدع ما أطلعنا عليه اليوم في ويلان
صح الله منطووقكك يالاجودي
واعتلى بالعرف شاانك على هذه الباذخة الجزلة
دُمتَ لنا
تحياتي
هيــــااااا