اقتباس:
|
المشاركة الأصلية كتبت بواسطة عبدالله المعزي
لو يدري المنفذ وظابطه وصفوفه =والعسكر الي على البيبان وقافه
انك على شوفتي ياشوق ملهوفه =ودقات قلبي على شوفتك رجافه
كان عذرو من ملكه الحب بظروفه = وفكو له الباب واقفاله ومزلافه
والله اني بالهوى مالكاً جوفه =والنفس مني على مواصله لهافه
ياوجد قلبي وجد من زادبه خوفه =في دار غربه ونفسه حيل خوافه
يخاف غدر الزمان وضربت سيوفه = خوف اجنبي ماله مع الناس عرافه
او وجد من فك ارسن واطلق كفوفه = خيله سبوق ولا يروضه عسافه
على الي ملكني ولاني مالكاً شوفه = مخلص بحبي وغيري من البشر عافه
هي تنفرد عن جميع الجيل بوصوفه=تعّجز المعاني ويموت الشعر بوصافه
ان قلت حلوه فهي حلوه وملقوفه = ومن لقافتها لكل البيض نسافه
هي وردة الصبح بالنوار محفوفه = في عشقها مالوم قلباً زاد بسرافه
فديتها لا ضحكتلي وهي مكسوفه =خداً به النور ياضي وخد تفاحه
عشقتها في وضوح وهي مشغوفه =وانا لها مخلص ونفسي دوم شفافه
ولو يدري الظابط اني ميت بشوفه = خلص جوازه وحط الختم بشرافه
|
.
.
ماشاء الله ..
لا اله الا الله على هذه الدرر الجزلة
أسلوب أخَاذ .. لايتقنه سوى المبدعين
أمثال الفاضل/ عبدالله المعزي
أهلا وسهلا شاعرنا
من العايدين ومن الفايزين
وكل عام وأنتَ بخير وصحه وسعاده
وعودة مباركة مع حروف شجـية بـِ كلمات منفردة
.
.
كما عودتنا دائما شاعري
إجبار على الإبحار
للوصول إلى الشواطئ المليئة بـِـدرر الكلمات
صح الله بووحك وفكرك
وسلم الله لنا نبضك
تحياتي
هيـــاااا