تبارك إدارة شبكة ويلان العربيه
لفرسان المسابقه الشعريه الرمضانيه أختيار قصائدهم ضمن مجموعة قصائد طرحت للمشاركه لتكون قصائدهم هي الاحق بدخول المسابقه وأن دل هذا إنما يدل على أستحقاقهم ذلك وهذ ليس بمستغربً على شعراء بشاعريتهم المرموقه والمعهوده.
وكما تتقدم بالعذر الكبير لكل من لم يحالفه الحظ بالمشاركه بالمسابقه الشعريه والذين تم تبليغهم بالاسباب من خلال الرسائل الخاصه وكما تتقدم لهم بالشكر الجزيل على تفهمهم الاخوي النبيل بالاسباب الموضحه لهم
فلهم منا جزيل الشكر والتقدير
فرسان المسابقه الشعريه الرمضانيه هم :-
الشاعر / سالم الجهبل ( 1 )
بقدوم شهر رمضــان الناس فرحانه = فرصة عمر كل مسلم لا يضيعها
بهذا الشهر نزل القـــــران سبحانه =وبه ليلة القدر يا مكثر منافعها
و به جنــــة الخـــــلد تفتح كل بيبانه = ويا كثـــــر ناس تغير فيه واقعها
مسلم وحافظ على الاسلام واركانه = خمسه وشهر رمضان الصوم رابعها
يا طالب الخـــــير شهر الخير عنوانه = النفس هي والهواء احذر اتطاوعها
اعمــــل ليوم به اعمـــــــللك بميزانه = ما ينفع الناس ليــا عضت اصابعها
من يفعل احسان يجزى مقابل احسانه = الله رفع شان خلقه في تواضعها
واعظم اذنوب البشر في زلة لسانه = وناس تخون الامانه في ودايعها
توبو لوال الخلايق عاليا شانه = توبة نصوح زهد دنياه بايعها
واختامها اعداد مزنن هلت امزانه = صلو على هادي الامه وشافعها
الشاعر / نمش الشمري ( 2 )
بقدوم شهــر رمضــان الناس فرحانه=فرصـة عمـر كـل مسلـم لا يضيّعها
شهر ٍ ..عظيم وكريم وعالي ٍ شانه=مكـانتـه عاليـه .. والـرّب رافعها
علــى النّبـي نـزّل الله فيـــه قرآنه=وبه ليلة القدر .. من يحصي منافعها
وفيه الشياطين مربوطه .. ومنهانه=عن ما تريده ولـي العرش مانعها
ووصل الرحم فيه والخيرات بألوانه=والمغفره فيه رب البيت واضعها
والجود والعطف والرحمه من أركانه=كلـّه خصالٍ حميده يوم أجمّعها
شهر ٍ به أهل التـُّـقا والدين ربحانه=مدبول فيه أجرها والله مسنـّـعها
أمّـا أهل الكفر فيه .. تضل خسرانه=وباكر بتبكي ندم وتعض أصابعها
والنفس ما تغوي اللي زايد إيمانه=ويا كبر حظ الذي نفسه مطوّعها
شهر ٍ على شوفه أهل الدين ولهانه=وعلى فراقه تبي تذرف مدامعها
الشاعر / عبدالله بن مشعان ( 3 )
بقدوم شهر رمضان الناس فرحانه = فرصة عمر كل مسلم لا يضيعها
شهر العباده عليه النفس شفقانه = واهل الفضيله تزايد في مدامعها
خوفاً من الله رفيع الشان سبحانه = يستر على الناس لابانت مطامعها
شهراً يكبل به الشيطان واعوانه = شهراً به الرحمه ابوابه موسعهـــــا
يا أمة الخير دام النفس ضميانه = ارؤؤ ضماكم عسى المولى يقنُعها
شهراً من اسمه عليه الطيب عنوانه = خوفوا من الله ترى الدنياء نودعها
شهراً مفضل عن الاشهر بقرأنه = أنزل بشهر رمضان والناس جمعهـــــا
الطيب واللين والمعروف واحسانه = صفاته اللي تفاخر في مرابعهــــــا
والنفس في جيته شفقه وولهانه = يريح النفس لازادت مواجعهـــــــــــــــا
الله يرده علينا باجمل الوانــــــه = شهر الكرم كل خيراته يوزعهــــــا
الشاعر / مصلح النشمي (4)
بقدوم "شهر رمضان" الناس فرحانه=فرصة عمر كل مسلم لا يضيعها
اسلامنا واقفٍ في"خمسة" اركانه=محفوظةٍ ثابته..و"الصوم" رابعها
واللي "وروده" مع الايمان "ذبلانه"=ذي فرصته ..لازم ان نفسه يطوعها
عزي لمن هو قضاها.."ليله و دانه"=ولا اغتنم فرصةٍ يصعب ترجعها
والمسعد اللي وضع عينه ..بقرآنه=واليا تدبر بها ..هلت مدامعها
وعلى الذكر.. في صيامه عوّد لسانه=والليل قامه..ترجى في مطامعها
مادام شيطانها.. في وسط زنزانه=النفس في طاعة المعبود طبعها
رحمة..و عتق..واجابات..وغفرانه=سبحان ربي.. بشهر الخير جمعها
لابد ما يقتفي للدين..ديانه=و من قبل يلفي,,عليك النفس راجعها
وبقدوم "شهر رمضان" الخير بألوانه=جانا..وهو فرصةٍ لازم نتابعها
الشاعر / محمد لطيف ( 5 )
بقدوم شهر رمضان الناس فرحانــــه = فرصة عمر كل مسلم لايضيعها
شهر يربّط به الشيطان واعـــوانـــــه = وتفتح دروب العباده من مجامعها
الربح والخير والغفــــــران عــــنوانه= والناس لازم تغيـــر مـن طبايعها
الجار ياصل بشهر الخيــــر جيرانـــه = سنة نبي الهدى وصى بسابعهــا
واللي هجر مصحفه يرجع لقرءانـــــه = الله يرحــــم مليك كــــان طابعها
واهل المعاصي على اللي فات ندمانه = قامت تجافا الجوانب عن مضاجعها
يرجون مــــده وتكريمه وغـــفــــرانه = وعيونهم بالخفى هـــلت مدامعها
تكفون كل يجـــــــود عظمة لسانـــــه = القوم شافت من السنها مصارعها
بضاعة الحقد والنمات خســــرانـــــه = تجارة خاب شاريها وبايـــــعها
يالله يالله ياللــــي عالــــــي شانــــــه = يارب نفسي عن الزلات تمنعها
الشاعر / سعود العواجي ( 6 )
بقدوم شهر رمضان الناس فرحانـه=فرصة عمر كل مسلـم لا يضيعهـا
من يوم الاسلام حطه ضمن أركانه=وأركان الاسلام خمس وصار رابعها
شهر ٍ به الخير كنه طـش هتانـه=من يوم هلّت وكل قلوبنـا ...معهـا
شهر ٍ نزل به كتاب الرب سبحانـه=بالليله اللي رجينا شـوف مطلعهـا
شهر ٍ به العبد يدفع غالي أثمانه=من شان الاحسان والخيرات يجمعها
شهر ٍ يصفد به الشيطان وأعوانـه=والناس تخشع إلين يسيـل مدمعهـا
يا مسلم اصحى عليـك الله وآمانـه=كب المعاصي وحاول ..لا ..تطالعها
المسلم اللي يصون النـاس بلسانـه=من جور كلمه يقال : الله يقطعها !!
عندي نصيحه تفيـد فـلان وفلانـه=بقولها وياليت كل النـاس تسمعهـا
اقرب من الله تفوز بكـل غفرانـه=وأخذ العقيده من الأسـلام وأتبعهـا
الشاعر / مفوز التبيناوي ( 7 )
بقــــدوم شهر رمضـــان النّاس فــــرحــــــــانه = فرصــة عُـمُـــــر كل مســــــلم لايضيّــــــعها
يســأل جزيــــل العطــا عفــــوَه وغفـــــــــرانه= ويحــــــــاسب الـــــذ ّات ويحدّد مواجعــــها
وينيــــــب للــــــواحد المعبــــود سبحــــــــانه= والعيــــــن من خَشيته ســــــالت مدامعـــها
القلـــــب يشْــــكي عَلـَـي والنـّفـْـس تعبـــــانه= واقـــدِّم الـــرّجـِــل للخـــطوه وارجِّعــــــــها
والجُـمْـلـَـــه التـّــــاليه بالصّـــدر حيـــــــرانه= في تِسْــع الابيـــــات مادري كيف إجمّعــها
لــــكن هجــــوس ٍ طرَت لي سدّت الخـــــانه= ومـــــادام غصّيــــت فيها قلت أطلـّـعــــــها
شفـْــت (التطــرّف) طغى واختـَلـْفـَت ألوانه= أفكــــار واخبــــار تِــزْعج من يتابعـــــــها
وان صِـــرْت بالوسْط يعتبرونها خيــــــانه= لازم تجي ضـــــــدّها ولاّ تجي معــــــــــها
واحدهُم ليا تكلـّــــم واطلـَــق لســــــــــانه=من بينــــنا يوقِـــض الفتنه ويزرعــــــــها
ولو تســــأله مايعــرْف أسماء جيـــــرانه=قل لي أجَــــلْ، أمّته وشلــــون ينفعــــــها؟
الشاعر / ماجد الجعفري ( 8 )
بـــقـدوم شــــهر الرمضـان النـاس فــرحانه = فــــرصـة عمر كل مسلم لا يضيعها
اسـاس ديــن الاســـــلام وركــــــن باركـــانه=اركانه الخمس صومه صار رابعها
واجب علينا صـــــــيامه وقــــت اعــــلانه = وايام شهره حذرنا الرب نقطعها
شــهــــــــرٍ كـــريمٍ مـقــيد كــل شيــــطـــانه= به عدة اوصاف ربي فيه مودعها
اولـــــه رحــمـــه مـــــن الله ثــم غــــفـرانه = واخــره ِعتـقٍ مـن ا لـنار ومواجعها
وبـه لـيـلة الــقــدر مــَيـزةٍ عـــن اقـــــــرآنَه= أنزل بها الله الكـــتاب ودوم رافعها
نــــخلص بـها الـــدعــوه للرحمن سبـــــحانه= اوعـــــد عبـــاده بهــا انـه ما يرجعها
وبــه كـل مســلم يــصوم ويـحـفـظ لــسانه= ولا يفـــسد الــصـوم بالــشهوات يتبعها
اعـــمالِ هالخيرِ جـاعـلها بـــحسبانه= يرجي المصايب من الله دوم يدفعها
ويـــغـــذي الــروح مـن أيـــاة قــــــرانه= وزكــاةِ هـالـفـطر مــا يـنـسى ويـمنعها
الشاعر / مشعل غريب الضوي ( 9 )
بقدوم شهر رمضان الناس فرحانه = فرصة عمر كل مسلم لا يضيعها
شهرً به من الثواب اللي على شانه= نفسك على الدين والتقوى تطوعها
فيه الاجر يرتفع ويزيد ميزانه= وفيه الشياطين رب الكون يردعها
أيام فيها يزيد المؤمن إيمانه=وجوارحه من وقوع الذنب يمنعها
يعلن بها توبته لله سبحانه= ونفسه على ما مضى منها يراجعها
يخضع لربه ويقرا آيات قرانه = واجزاء جسمه لخالقها يجوعها
ويبر في والديه ويكثر احسانه = ويقوم بحقوقهم من يوم يسمعها
ويرد شيطان الانس ويكيد شيطانه = ومسلسلات السخافه ما يتابعها
وعن كل كلمه رذيله يحشم لسانه = والصحبه اللي وراها سوء يقطعها
وختامها نرجو من الله غفرانه = وقلوبنا في سبيل الدين يجمعها