سوقكم ولّى ودحدر بالحضيـض
والمؤشّر ياعرب حمّـر وحـاض
المُحلّـل قـال بالبنـط العريـض
لعبة الأسهم تبي نـاس مـراض
ماتبي صـدق ولاخيـر يفيـض
لوغشيم فزت في وقت الركـاض
لعنبو سوق به السافل حضيـض
ولعنبو سوق خشاش في قضاض
مات مظلوم وكـم حـي نجيـض
يوم جا في لجّة الأسهم وخـاض
قلنا خير السوق باكر قد يفيـض
ونتفائل لانظرنـا البـرق نـاض
قلت يرجع راس مالي يامعيـض
قالوا يرجع لاسمعت الديك بـاض
يابومتعب أنتخي بـك بالقريـض
سجّت افكاري وهاج القلب وهاض
يابومتعب فرّج همـوم المريـض
ياسندنا لااحتمى ليـل المخـاض
ياكريم بحـر جـودك مايغيـض
عاقب اللي بان لعبه واستشـاض