اقتباس:
|
المشاركة الأصلية كتبت بواسطة ابو جمال المنيس
اخواني اعضاء منتديات شبكة ويلان
هذه القصيدة اسجلها عربون صداقة للجميع
ورغم انني سجلتها في بعض المنتديات
ارجو من الذين شاهدوها سابق المعذرة
وسبب هذه القصيدة انه يوجد هناك شاعر متضايق
من اجتماع شعراء شمر وعنزة في اكثر من ديوانية
وكان من اكثر الذين يحرصون على هذه الجمعه
انا واخي العزيز فارس الضيدان العنزي
ولكن هذا الشاعر ضايقة هذا وانا لا اعلم
لماذا هو متضايق الى الان رغم ان التجمع
كان لتبادل الاحاديث والشعر ولم يكن موجها
ضد احد والى الان ولله الحمد ونحن مستمرين رغم
انقطاع البعض لظروفهم الخاصة .
واليكم القصيدة
ماعرفنا طيرإبن برمان وش فيه إمتضايق = كل طلعت شمس بين الناس يومي في شليله
فوق من نومك لكان إنك يا مسلم مأنت فايق = وإعرف إن الموت حق وسفرتك سفره طويله
أنت أشوفك من ثلاث سنين فكرك غير رايق = لا تدل الدرب زين ولا تدوّر لك دليله
لو تسابقنا على وارد عراوي مانت سايق = ما يسوق السكسويل إلا سواويق التريله
وكان تبي النصح لا تدخل يدينك بالحرايق = والخيال إليا تعدى عنك لا ترجع تخيله
الزمن محسوب بحساب الثواني و الدقايق = وكوكب البريّت ما يحسب مثل نضح الثميله
والمعره ملك للنعمان لو ما له شقايق = وملك شمر من جبل سنجار لحدود الرعيله
لو فتشت دروج بوش الأبن حصلّت الوثايق = وإن فتشت دروج بوش الأب وش تقدر تشيله
من كتاباتٍ عن التاريخ بعصورٍ سحايق = والعصور الحاضره مالك بها حيلٍ وحيله
الجدي ثابت على مر الليالي ما يوايق = مثل نجم سهيل لا منه طلع خمسين ليله
لا تحاول تعكس التيّار وتعكس الحقايق = المسافه بين قطبين الفضا ما هي قليله
ما يفرقنا عن الويلان يا غير البطايق = ابك حنا دولتين كبار بمسمى قبيله
وأبك حنا كاملين الوصف في كل الطرايق = كاملينٍ بالكرم والطيب وسيوفٍ .ن. صقيله
وبالختام أنصحك فكِّرزين كان أنت إمتضايق = شوف لك بابٍ على قدك لاتدخل مع زويله
عقيل سعود المنيس الشمري |
صح لسانك اخي الفاضل
والشاعر
القدير
ابو جمال المنيس
على هذه القصيدة التي تحمل في طياتها الصدق والمحبة
والوفاء
فعلاً اخي القدير لايوجد بيننا فرق
ابـــــــــــــــــــــــــــــــــــــــــداًً
تقبل خالص تحياتي
ونحن بأنتظار ابدعاتك الرائعه
ودمت بكل خير