[عبدالله عايد]

السلام عليكم

يسعد اقواتكم

اعزائي اتمنى ان تحوز على رضاكم

انا يا صاحبي ماني بهاوي لك عتب وجدال=ولا يطري عليك اني على هجرانك اتمنا
وانا ادري انت ما تقصد ولكن الخطا لا طال=يصير اكبر مصيبه في غلانا بعد ما غنا
عتابي لك ترى كنه جبين الطاهره والشال=ستر يستر ملامحها ويحجب زينها عنا
مابي غلطه تجي منك كذا وتشمت الانذال=وابستر كل ما يمكن قبل حاسدك يتهنا
ودمعك ماهو بهين ليامني نظرته سال=احس الدمع سكين ٍ انا وياك تطعنا
وليامنا تفاهمنا ترى مافي علينا اشكال=ولا نسكت على اوضاع ٍ مع الايام يشقنا
وانا لو هو بكيفي والحكي يحسب على الرجال=لوقف وقتي من دونك واخلي الوقت يستنا
حبيبي عاشقك صادق ولا يسمع لقيل وقال=وفيني لو يزود الهم انا والقلب ما لنا
عشقتك عشق من قلبي ..وعيني ما تشوف ازوال=سوى زولك فديت ارضه وغيره جعل ما ثنا
وشعرك لا تذكرته على ظهرك كما الشلال=عرفت الزين من ربي بلا صبغه ولا حنا
وجبينك لون من قلبك بياض ناصع متعال=الا سبحان من يجري سحابه لين يرونا
وعينك قصة لحبسي وفيها تضرب الامثال=اضيع بسبة اهدابك اجي منا واجي منا
انا مدري!!ولكن كل ما ضيعت جا موال=مواويل على دروبك اغنيها وتنغنا
الحنها على الدانه..واغني فيها او يا مال=واغني نوب بالمغرب جنا جنا جنا جنا
انا والله ما ادري ولكن قد تكون احوال=تمر الحال بالعاشق على غره ويتعنا
حبيبي يا بعد حيي ترى مالي سواك ابطال=دخيلك شف عواطفنا انا وياك يزهنا
أنا وانتا قدعنا الشوق في فية ضحى وظلال=وصارت لذة الجلسة سوى والحب موطنا
وانا وانتا سقانا العشق من دلة غلا فنجال=وقهوينا مشاعرنا تناغمنا وقهونا
وانا وانتا تسامرنا وصاح الليل فينا جلال=نها نرحل انا وياك اذا النجمات سرنا
وانا وانتا تفاهمنا ولا نسمع من العذال=انا ما اسمع ولا تسمع نصايحهم ما يرضنا
"حبيبي آسف ازعجتك حلو صوتك" على الموال=رجاءاً ممكن تغني ترى الالحان ينسنا