اخواني لكم مني اجمل تحيه
هذه مصافحتي الثانيه والتي اتمنى ان اكون قد وفقت بما يرضيكم
القلب لا جا الليل زاد اصطفاقه=يزود نبضه كل مازاد شوقه
ومن زود خفقاته وزود اشتياقه=خطر (ن) على نبضه يفجر عروقه
اليا طرى اللي عقب عرفه فراقه=هذاك عن غيره سبتني فروقه
وجدي عليها وجد من فيه عاقه=والنفس من كثر الهموم مخنوقه
اليا انتخى ماله ربوع ورفاقه=واليا انتهض كسر بساقه يعوقه
واليا غشاه الليل نومه شفاقه=غير الوجع والجوع برد يفوقه
ويوم ايقن ان الموت قرّب عناقه=غمّض عيونه والدعآ منطوقه
وبنظرة اللي ماحلم باعتاقه=شاف السحاب ولمعته وبروقه
من فرحته نسي الكسور بساقه=ونسي الوجع بجروحه المفتوقه
ومع وقفته لمع لمع براقه=وصابه شرارة بارق مصعوقه
وجدي مثل وجده ووجدي فاقه=الا يفوقه حسبة(ن) مطبوقه
ماعاد لي بالبعد حيل وطاقه=على لقاه وشوفته وشروقه
ولانوى قلبي لغيره علاقه=هذاك شفّي والمشاعر صدوقه