ماعرف اكون الا كـذا ..!!
من جيت للدنيا وانا ( حظي ) .. مثل عابـر طريـق
يشّر ، على خـط الزمـن .. عـل الليالـي ، تنقلـه
صابر على مر التعب .. كرمال عينـك .. يالرحيـق
يطيح صبري ( واشقله ).. وايطيح وارجع واشقلـه
يضيق صدري ( بالعَجَل ) واقول صـدري مايضيـق
استثقل اني انهزم .. وآخـذ مـن الهـم ... اثقلـه
ومع كل هذا .. بسمتي .. مافارقـت عيـن الصديـق
واللي يعرقل بسمتي .. أضحـك .. عشـان اعرقلـه
ماعرف اكون الا كذا .. صـادق ولا احـب البريـق
مثلي مثل أية بشر .. بالصيـف .. يرفـع .. منقلـه
مااحب امثّل مثلهم .. ( شفيئ ) ياراجـل ( شفيـق )
ولا حب اسوي بالشعر .. حشوة حكي .. ( مستعقله )
اللي اعرف اني اجي .. واشعلل الساحـه .. حريـق
واني حكيم .. بفطرتي .. واكتب من الشعر .. اعقله
( سطحي ) الى حد السما .. واضح ولا لي بالعميـق
اللي تحت قاع البحر .. والموج .. فوقـه .. يرقلـه
ماهمني كثر الفرق .. حولي .. وانا وحدي .. فريـق
أحب .. خط المسطره .. واكـره .. مسـار المنقلـه