قصيدة الشاعر المتألق : عبدالرحمن عادل الشمري
في اول حلقة من مسابقة شاعر المليون
للفقر لـذة فـي عيـون الهواميـر
شوفوا شلـون بفقرنـا شاركونـا
دينارهـم يستنسخونـه دنانـيـر
ولوهو طلبناهـم تـرى ماعطونـا
حسرت قليل المال بكفوفهـم غيـر
لوهو ذهب يمدي خـذوه وخذونـا
الله لا يجـزى هكالطالـع بخيـر
اللـي عليـه بعافيتنـا حسـدونـا
تجمعت شرابت الماء على البيـر
يحليلـن عنـه الجماعـة حدونـا
جونا شتات اصفر تخطفهم الطيـر
بلـوى يليـت بشرهـم مابلـونـا
طاوع معاهم من لقى دهنت السير
والا وش اللي سكتـه يـوم جونـا
ذقنا على ايديهم هـوان المشاويـر
ضيعهـم الله مثـل ماضيعـونـا
وش صار فينا وش بعد باقي يصير
يافاهمـيـن السالـفـة فهمـونـا
المشكـلـة ياحبـنـا للمعـاذيـر
والناس وصلـوا للقمـر وسبقونـا
دايـم نسـوي للخيانـات تبريـر
والظاهر الخاين طلع كـل ابونـا
.