القلب لا جا الليـل زاد اصطفاقـه =يزود نبضـه كـل مـازاد شوقـه
ومن زود خفقاتـه وزود اشتياقـه =خطر (ن) على نبضه يفجر عروقه
اليا طرى اللي عقب عرفه فراقـه=هذاك عن غيـره سبتنـي فروقـه
وجدي عليها وجد من فيـه عاقـه=والنفس من كثر الهمـوم مخنوقـه
اليا انتخى مالـه ربـوع ورفاقـه=واليا انتهض كسر بساقـه يعوقـه
واليا غشاه الليـل نومـه شفاقـه=غير الوجع والجوع بـرد يفوقـه
ويوم ايقن ان الموت قرّب عناقـه=غمّض عيونـه والدعـآ منطوقـه
وبنظـرة اللـي ماحلـم باعتاقـه=شاف السحـاب ولمعتـه وبروقـه
من فرحته نسي الكسـور بساقـه=ونسي الوجع بجروحـه المفتوقـه
ومـع وقفتـه لمـع لمـع براقـه=وصابه شرارة بـارق مصعوقـه
وجدي مثل وجده ووجـدي فاقـه=الا يفوقـه حسبـة(ن) مطبـوقـه
ماعاد لي بالبعـد حيـل وطاقـه=علـى لقـاه وشوفتـه وشروقـه
ولانـوى قلبـي لغيـره عـلاقـه=هذاك شفّـي والمشاعـر صدوقـه
مشاري سليمان
صح السانك مليون ابيات وافية ومعبرة
يسعدك ربى