[سعود العواجي]

اخي الذي لم تلده امي / تركي صالح


مرورك لاشك بانه يعني لي الشي الكبير ..

للشاعر أحيانً إذ لم يكن دائمً قصيده محببةً الى قلبه
السؤال هنا أي قصائد الشاعر / سعود العواجي أحب الى قلبه
وما هو موقفها إذا كان بالامكان ؟

جميع قصائدي محببه الى قلبي ولكن هنالك قصيده اعتبرها هي الاقرب لي وهي قصيده بوالدي الله يطول بعمره وسأقتبس منها مااستطيع لانها طويله جدا ..

يابوي كل الكون غربه وشرقه = يهون عند رضاك ياطيب الساس

انت السحاب اللي سقانا ببرقه = وانت الهوى مابين هب ٍ ونساس
يوم ان كل ٍ مد كفه .. لسرقه = شفتك تمد الكف لمصافح الناس
من كثر ماكانت كفوفك مورقه = صرت افتخر يابوي في كل مجلاس
من نسل شيخ ٍ بيـّن الدم عرقه = وصحيح يوم ان قالوا العرق دساس
الطيب لو يصعب على الغير طرقه = عندك يساوي شربة الما من الكاس
وخل العدو يابوي يشعر بحرقه = دامك عليه أشد من ضربة الفاس
ولولا مخاف الله والعيـن غرقه = والله لاأسجـد لك غلا وأحني الراس !

2
المواقف تشد الشاعر في أغلب الاحيان
ما هو الموقف المؤثر الذي شد شاعرنا لكتابتة القصيده ؟

هنالك مواقف كثيره ولكن اقرب موقف طرى علي ..

هو موقف الغزو الاسرائيلي على الاراضي اللبنانيه الذي ذهب ضحيتها من المسلمين الآلاف ..وكنت لحظتها اما شاشة التلفاز عندما ظهر لي منظر طفل لبناني وهو تحت الركام وبيديه دميه كان يتسلى بها قبل ان يقصف بيته بصاروخ العدو ..
وكتبت قصيده ونزلتها في ويلان ولكن سأذكر لك ابيات منها ..:

هذا هو اللي صار يالواقع المر = صرنا نتكلم بس خلف الستاره
الكل منا لازعل قال : انا حر = وشلون حر ولاافتهم بالاشاره !
الفار يلعب والسبب غيبة الهر = اصلا ً ولابه هـر يصطاد فاره
نعيش جو وغيرنا عايش فبر = ولا لحقنا نعيش عصر الحضاره
اذا الحبل يصبر على قوة الجر = العظم مايجبـر بطول انكساره
يثور فينا الغيض ويدوسنا الشر = ونشب لحظه مثل جمر السيقاره
تدري من اللي جاب هالواقع المر = ادخل وخذها في صريح العباره
اكتب ثلاث حروف في كلمة السر = ويطلع لك المسؤل : برج التجاره !!

3
لكل أنسان بدايه في هذ الحياه ولكل مجالاً بدايه لاتنسى
ماهي اول قصيده كتبها شاعرنا مع تمنينا لقراءة بعض أبياتها؟

قصيده قديمه جدا ً ولكن اذكر منها :

الحلم ضاع وطار مع هبة الريح = وطفل ٍ خذيته من ضلوعي ترده
ماعاد ينبت في ذرى حبك الشيح = ولاعاد تمطر من سماك الموده
يكفي غلا يكفي هموم وتجاريح = يكفي الخفوق بقبضتك لاتشده
تدري قبل ماينزل الدمع ويطيح = ان الخفوق اللي انجرح منت قده !!

اشكرك واشكر مرورك العذب اخي / تركي


وتقبل مني كل ود واحترام