[شوق العنزي]

.

للأسف حرمت انزل قصائد حصريه .. ولكن في متصفحي احببت وضع قصائدي
التي انتشرت بشكل كبير في المنتديات لكن لن احرمكم من مقتطفاتي الشعريه الحصريه لمنتدى الويلان ..!!

قصيده بعنوان " متآهآت واسرار "

ماقلت لك : قلبي متاهات وأسرار=لو تسكنه بتضيع في وسط خافيه

ماقلت لك : إني أنا مثل الأحرار=ماحب أقيّد شخص وأرحل وأخلّيه

ماقلت لك ياشمعةٍ ضوّت الدار=ماحب أشوف الضو وأرجع أطفّيه

انتا كما الشمعه تداريك الأسوار=وأنا الهبوب البارده من حواليه

أنتا كما الضحكه على شفات الاصغار=وأنا الدموع _وضيقة البال_ والتيه

خل الهموم اللي بصدري كما النار=وإرحل وخذ قلبك بليا مشاريه

تكفيني جروح الليالي والأقدار=لو جيت أشبّهلك تضيع التشابيه

صمتي غريب وفيه العقول تحتار=ولو زاد دمعي اعرف شلون أداريه

عندي هواية فلسفة ناس شطار=تعرف تفر عقول عذالها فيه

وياكثرهم حبو وفي حبهم صار=أشيا كثيره _ ذكرها مالنا فيه

ماتسمع أصوات الوجع تجهر إجهار=ماحصّلو غير الألم من بلاويه

لوني سلكت دروبهم جد بنهار=مالي ومال الحب _ماقدر أجاريه



أنا كذا لو كانت همومي إكثار=ماحب أعيش الحب وأسهر لياليه



دامي بقلبك لي معزه ومقدار=أكيد تقبل عذري أن جيت أبحكيه



عشت بزماني ياولد كل الأدوار=إلا الحبيبه دورها صعب أسويه



برحل وشعري خلّه اليوم تذكار=برحل ولا تسأل متى؟ برحل وليه؟



قلبك معك /لا لا/ تنادي وتحتار=وقلبي معايه من شقا الوقت بحميه