كُــتبت هذه القصيده في صيف 2006
المكان من اروع واجمل وافخم الآماكن
ورغم ذلك عنت الروح للروح وكانت هذه الحروف التي اسميها قصيده ..
ولها الشرف ان تتمخطر امام اعينكم بكل أدب وثــقه واحتشام ..
اشم عطرك وأسال الحفل وين انت
وين انت يامشغل عيوني عن الغير
دايم معي اتخيلك.... وين ماكنت
حتى وانا بباريس ياساكن سدير
الله عليك اشلون ؟ فيني تمكنت
برقعت قلبي مثل مايبرقع الطير
ياروعة الحُسن الحقيقي اليابنت
ماتت قهر منك البنات الغنادير
اغيب.. مجـبر لكن اموت ماخنت
وعندي مناعه ضد كل المحاذير
يـــزن عـــلا