1161- ناظرت البحر وناظرني .. سألني شفيك شاغل بالك وتفكيرك ؟ جاوبته والعبرة تخنقني والدمعة غرقت قلبي .. يا بحر اش ذنبي اني حبيته وقلبي تعلق فيه ! خلني يا بحر أشكي وأريح عيني وقلبي واطلع كل ما فيني من شجن والام
1162- آخر وصية !! وصيت أهلي لاذبحني غلاكم قدام بيتكم بالثرى يدفنوني!! ترتاح روحي يوم اجي في ثراكم !! و إذا وحشتك قلهم يظهروني..!! "هذا الوعد" والله يقبل عزاكم واذا مشيتوا فوق قـبري اذكرونــــــــــــــــي !!
1163- الجسد موجود والروح ارحلت!! والزمن غدار،، لكني صبور.. عيني اللي من عنا الوقت أدمعت.. حزنها ياخوي شيد له جسور.. وحدي بدنيا بها روحي اطلعت.. فاقد الاحساس ماعنده شعووور.. الهوى مابيه، أنا روحي اشبعت! وش يفيد الجرح لووو كـــلي كســــــــور؟!
1164- لي علة .. بين الضلوع مهاديف يتعب خبير الطب يكتشفها العين تدمع كنها وابل الصيف .. والكبد عاصوف المصايب عصفها أسبابها فرقا القلوب المواليف اللي من الفرقا ضلوعي قصفها ..
1165- هنيـــالك يـــاثيـــابه مــاشكيتــي مـــن غيــابه حتـــى لـــو يبعــــد ويبعــــد انتـــي اقــــرب مـــــن احبــــــابـــــه
1166- بعتـــــــذر لو ماصدر مني غلط ابعتــــــــذر يمكن ليالينا تطول ويبعدنا القدر
1167- للعين دمعه لكن دمعة القلب غير يكفي اذا جت تطيح يطول مشوارها
1168- السؤال يعيد نفسه والإجابة مبدئية .. هو صحيح ان القصايد لجريح أول عذابة ؟ ماعطتني غير الجرح ولعنبوها من عطيه.. والله انك ماعطيتي خير للقلب وصوابه.. ياقصيدي لو بقى للشعر في صدري بقيه.. بكتبه وارسم خيالي للورق واروي سرابه..
1169- تبي تقرا كتاب من حناني وتكشف سر ماعمرك قريته؟ بقلبي مامعك في الحب ثاني اصل حبك بنى بالروح بيته شهودي في غلا عينك معاني لحبك داعي اشواقي دعيته لقيت نور في معتم زماني وغيرك نوره الصافي وطيته
1170- لك وحشتــن بالصدر تلعب بالاضلاع من كودها حتى الدموع سمعتها زفرة ونيــن الشوق في قلب ملتاع دارت على كل الضلوع وشكتها وتغيــرت بسبابها كل الاوضاع حتى دموع العين مثلي بكتها
1171- يا صاحبي افهم تراني بخليك.. ابتركك كلك وببقى لحالي رح انت في دربك عسى الله يهنيك.. وانا على دربي بلحق امثالي مافهمت القصد وتراني متحديك.. فهمك لقصدي هو المحالي اقصد في قولي اني بخليك.. ’’ هذا بعد موتي وبعد ارتحالي ’’
1172- قلت لك: قلبي يحبك ويموت فيك والفرح عهد علي مااشوفه إلافي هواك وقلت لي: هالحب كذبه والزمن يضحك عليك والغرام اللي تشوفه مابعد شافه سواك وقلت لك: عيش مكاني خل حزني يبتليك لجل تعرف كثر مابقالي من غلاك
1173- ماعاش من يجرح شعورك ويبكيك دنياك ماتسوى من العين دمعه الروح قبل ارضيك تسري وترضيك تضوي لك باليل الهواجيس شمعه يفداك عمري بس تضحك لياليك ولا اشوف في عينك للأحزان لمعه
1174- اشوف العمر يطويني ولا يرحم واشوف الحظ يتناهي بخذلاني ابي كف أصافحها ولا اندم وابي قلبن يلملمني من احزاني وابي انسى وينسيني التعب والهم قبل لا ينتهي عمري وانا اعاني
1175- انا احبـــــك ولا ودي تعيش بدنيتك زعلان ترى الايام محسوبه وتالي العمر فاني انا لامن شفتك بضيقه احس انا الغلطان اعاتب نفسي بنفسي لو ماكنت أنا الجـــــــــــاني
1176- في غيبتك كني مع الهم موعود داخل على الله لا يطول غيابك..’’ باقي حياتي صارت ايامها سود يرحم ابوك شيل عني عذابك..’’ من كثر ماانا شفت في حبك حدود. اخاف تلقى جثتي عند بابك..’’
1177- حط جرحك وسط قلبي واستريح وارمي همومك علي وخلها وخل واحد مننا يصبح جريح وواحد يعيش الحياة ويفلها هو صحيح ابتكثر جروحي صحيح لكن جروجك من الي يملها حافظك في وسط عيني ماتطيح اصلا الياطحت :عيني من لها؟!
1178- ملعون أبو حب يساوم في انسان وقلب يخضع يوم وإلا يكابر والله لو حبك بهالقلب شريان لأنزعك من قلبي ولاني بفاكر وأقطعه وأرميه في وسط بركان وأنهيه من دنياي أول وآخر جاك الجواب وخذ من الرد عنوان عبره لكل انسان خاين وغادر لا تعتذر وتقل جيت ندمان السالفة ما هي بجبر الخواطر وأقولها غلطان غلطان غلطان إني عرفت إنسان جاهل وقاصر
1179- تسأليني ليــــه أنا دايم حزيـن تسأليني عن سبب هـذا العـذاب قصتي قصـّـة طويــــــلة من سنيـن قصتي عـمـر الطفولة والشـّباب البداية جـرح فـي قلبي دفـيـن والنّـهايـة مالها عنــــدي جـواب
1180- الحب ياعاشقــة تمنيــته يكون فجر ٍ جديــد يعيــش داخل حشايــه لا مانتظرته يصبـح احزان وطعــون ولا انتظرتك تبتــدي به معايــه
1181- مرَّت أيام السـّـعـادة مـادريـت . إنـّـها لحظـات في عمـر الـسـّـنـين . غافـل ٍ عنهـاوفـي دربـك مشـيـت . وآخـرالمـشـوار صرتـي تـكـذبـيـن .
1182- " أهديتـك " أيامـي بكفـك رخيصـات .. فـدوة لعينـك مـا وراهــا خـسـاره .. ما هو ترى ذلٍ جنيتـه علـى الـذات .. لا لا ترفـق .. واسمـعـه بختـصـاره .. هـذا شعـور أرواح فينـا أصـيـلات .. " لخّصته لشخصــك بأحلى عبـارة ..."
1183- خذني على قد قلبي .. وافهـم احساسي .. ومن بعدها لا تفكر .. " وانطق بـ قلبك " .. لو تسمع النبض بين سطور كراسي .. " تلقــاه يملا مداك أحبـك .. أحبـك .." شفني زفرت الوله مع دافي انفاسي .. شفني شهقت الغلا يوم الهوا قربك ..
1184- أحبـك غصـب عن قلبـك .. أحبـك غصب عن روووحك أحـبـك غصب عن عيـنك / أحـبك غصـب عن أهلك وفي سلمك وفي حربك .. على هـمك على نوووحك ومـا بيني وما بيـنك / على علمــك على جهلك ومـن شـرقك إلى غربك.. ومن ضحكك إلى بوووحـك ومــن عطـفـك إلى لـيـنـك / أموت بْـصعبك وسهلك ومن يـمنعـني أحـبـك .. أحـبـك غصب عن روووحـك وروحــي علمــي عيـنــك / وروحـي علـمــي أهـــلـك
1185- نفس الرســايل بيننا كل ليله .. تغلط علي ثم ترسل .. " آسف حياتي" .. مليت أحط بخاطري لك وأشيله .. وانسى قساك ليا حلفت بغلاتي .. ياصاحبي بعض الخطى مايزيله .. لا قولت آسف او بعد ياحياتي .. خل الرسايل للمحبــه وسيلة ..، كلمة غــلا واكسب معاها رضاتي ..،
1186- بطلت أحب وأعيش دنياي مرتاح حتى الهوى غيرت فيه اتجاهي لاحزن لادمعه ولاذل وجراح لاقلب مشغول ولافكر ساهي بدلت كلمات الغزل جد وصياح لاعاش من يقدر يعكر مزاجي اباخذ الدنيا دلع لعب وافراح أبغى كذا أعيش دنياي لاهي
1187- لي عزة(ن) كنها حوت بعض الاشجار اموت واقف ما انحني للهواني انا عريب الجد من نسل الاحرار بين الجدي وسهيل هذا مكاني
1188- ان جيت من غرب انا لاروح من شرقا لابارك الله في درب فيك يجمعني وياللي على فراقه عيوني غدت غرقا كلي من اقصاي في حبك مغرقني واللي طحا الارض وخلا هالسماء زرقا لعلمك كيف تندم يوم تهجرني
1189- وفر كلامك ورني عرض الاكتاف قلبي كره هرجك ولا هوب مجبور ترى القلوب بطبعها شي شفاف الكسر فيها صعب تلقى له جبور ولا تحسب اني من الهجر بخاف ياشيخ خذ حبك وقلبك ومشكور
1190- والله لو تبعد فلاهمني رضاك واسمع كلامي زين دام انت هادي ماكنت شي وشلون ازعل لفرقاك عادي وجودك كان .. وان رحت عادي جايز اكون اول تعاطفت وياك لكن فبالي كان تركك وكادي لاتنفعل لاتثور لاتبرر خطاك ماينفع الغرقان مــد الايادي
1191- لو تباعدنا غدا الكون الكبير شارع مظلم وتبكيه البيوت جائز الوضع من بعدك خطير وجائز إن الهم في صدري يفوت بس شي واحد محال إنه يصير ما أذل النفس لجلك لو تموت
1192- شيلي من راسك حكايه ترجعي مابقالك في فؤادي متسع انت جرح كان في طرف اصبعي وابصراحه ماأذكر في اي صبع
1193- شفت الأذى منك ومن دون تقصير زدت الجروح اللي سببها حناني النفس طابت ما تبي منك تفسير لا تحسب اني ارتجي من نساني ما جيت ابي منك محبه وتقدير حتى ولو دمعك وقلبك دعاني أبشرك قلبي من غيابك بخير رغم الجروح اللي بكتها الأماني
1194- آه يلي في نهاية حبنا انتي اللي بديتي آه يا صدمة وياغلطة حياتي كنتي حلمي كنتي فرحي كنتي ناسي كنتي بيتي كنتي انتي الروح واغلى من غلاتي ياكثر ماعطيتك وانتي اكثر من خذيتي كنت ساكت ما اتكلم واعبر عن سكاتي والمصيبه كل ما قدمت لعيونك نسيتي ودي اعرف بس شي واحد ويــــــن راحت تضحياتي ؟؟
1195- حالي بعدكم حال من يطرد الثار لأخوه .. واللي قاتل أخوه عمه ابوه قال النار ماتطفي النار وامه تقول اخوك لا يضيع دمه زود على همه من الوضع محتار يتبع رضى ابوه والا رضى أمه !!
1196- تجيني مشتاق واقول ما أبيك وادفن بقلبي طاغي الشوق كله وان جيتني ولهان و الله لخليك وازرع بقلبك في عنا الحب عله
1197- مالي مزاج .. ارجع اقلب دفاتر .. اوراقها تجريح .. وسطورها عتاب مالي مزاج ..انظر لصوره قديمه فيها الملامح تضحك .. بوجه كذاب ..
1198- تظن في غيابك أموت من القهر والشوق ؟ لك الله من تفارقنا أحاول اذكر أوصافك
1199- لا تنصدم اذا قلت انا اليوم مـا أبيك القلب عافك و انتهى اليوم دورك اعميتني بحبك عسى الله يعميك ورميتني يا شين بـ أعمق بحورك يالله توكل لا تجيني و لا أجيك يـالله حبيب أمك قوم رتب امورك
1200- تحسب إني بجي عندك حبيبي وأنحني لرضاك ورب الكون ذا بعدك ولا يمكن أسويها أنا طبعي عزيز النفس مهما دارت الأفلاك بمشي نفسي بكيفي أبد ما أحد يمشيها محبة ما أبي منك محبة لو تجي برضاك أبلعنها وبلعن كل شخص لي يطريها
1201- وشهو يعني لو نقض عهدي وخان لا هو أول ولا آخر من يخون دام نحيا في زمن مابه أمان شيء طبيعي عشرتي عنده تهون كان يا مكان في ذاك الزمان نبض في قلبي وفي عيوني عيون كان له في أصدق أشعاري مكان
1202- من قال لك قلبي مع السيل ينقاد ؟ صحح مفاهيمك وصحصح معايا يا صاح لي قلب عن الكيف نشاد ما يمشي إلا إذا قلت: هذا هوايا أنا معك قلبي شراويه العناد لـكــن ليا حبك يسوي سوايا
1203- علم غرورك عزتي مالها حد ولي وجه غير الود مابي تشوفه ! ايام صدك عدها لاخر العد ونشوف انا والا انت يلقى الحسوفة
1204- قلبي اللي افرحه فارق اهل المصلحه .. بس اللي يذبحه مانفع طيبي بهم ..
1205- جيتني من بعد ما مات الأمل تنتظر مني بعد أعطف وألين أبتعد ما عاد أقدر أحتمل طعم ظلمك بي وأنا مخلص أمين لا بقى رجوى ولا طالب وصل اختلفت ولا بقى عندي حنين ما أحبك ما أكرهك وإنت البطل صرت قاتلني بسيفك مرتين
1206- قصدك إني اتنازل لك وأجيك وانحني من عقب ما قلت الوادع مثل ما إنت ماتبيني ما أبيك المحبة مابها غش وخداع روح دور لك على غيري شريك وارتحل بالهم في دنيا الضياع
1207- تخيل حتى لوقلبي بديت أشعر بتقصيره قسم لأدور لك بداله قلب يعطي والعمر فاني ولو إنك تفهم إحساس الغلا وشلون تأثيره فهمت شلون ماأشوفك وأجيب اسمك على لساني
1208- ضحيت لعيونك وما تطلبه جاك ياما تحملت التعب بس لجل رضاك تخطي وأسامح كل زلة خطاياك هذا جزى قلب(ن) جفى الناس وأهداك نفسي عزيزة قبل أصادف محيـاك وإذا قلتلك بسناك والله لنـساك
1209- ابعد وانا ابعد عشرتك عذبتني ما اريدك ابعد خاطري منك مكسور وليه يوم ان الظروف أجبرتني تركتني وأنا احتري منكم الشور
1210- برحــل وابترك لك بقايا أمانيك غدرك عذاب حـال دوني ودونك وخل الرفيق اللي غـدربي يسليك وأذكر ترى من خان لأجلك يخونك
1211- كان الخطا في عالمك شي عادي !! ماني من لو لاجرحته ضحك لك ..!
1212- يا قلب لا تشره اذا الناس عافوك لا تشتكي وتقول محد(ن) بغاني وش ترتجي منهم اذا هم تناسوك وش ترتجي من كل قلب أناني أغتالوا آمالك وبالحيل ذلوك وتصرخ تبي ما فات يرجع ثواني
1213- لاتتأسف .. مــا أبي منك اعتذار أبيك ترد أيام عمري مثل ماضيعتها أبي أرجع مثل ماكنت(فلانه) شمعة الدار اللي من عرفتك ( إنت ) انطفى نورها وأبيك تسدد ديون(ن) غدت فرقبتك كثار وماظنك لوقضيت العمر كله تحت رجلي بتسدها
1214- مسموح ابعد عن هواي مقدر اجامل واخدعك أسمحلي لو تلقى سواي غيري ترى ماينفعك ظنيت بك شوقي ورجاي والعمر اقضي به معك والغالي ارخصته معاي حسبي على من دلعك
1215- منك اتعلمت كيف اقسى وكيف ابدي الشفاعه كيف ازيف رقة اسلوبي وتأثير اندفاعي طار طيرك في فضا غيري وبالغ بارتفاعه والنتيجه تاه عن دربي وساهم بالتيــــاعي شي مؤسف لو تخلا الخل عن خله وباعه وانكر العشره وخان الود ذي له كان راعي قمة المأساه لو صار الوفا مثل البضاعه بالرخص ينباع ياسوء السلوك الاجتماعي
1216- انتهت مأساة عمري في هواك ما اصدق كيف ع الفرقى قويت التسامح فات لاتنظر وراك لاتخط بحسرتك الفين بيت في الهوى الله يحسن لك عزاك انعني واقبل تعازي من هويت اعتذر ماعاد بي وقت معاك انتهى حبك .. مع الحب انتهيت
1217- شفت المقفي وربي ما أتبعه لو خطوتين .. واصبعي .. هو اصبعي .. لامن غدرني أقطعه ..
1218- بسألك سؤال واحد .. والجواب بكلمتين !! لا صار قدرك والهوى خصمين من تاقف معه ؟؟ يا أخي العزه كرامه وأنت دايم مستهين يا أخي ضرسك لو عورك بذمتك .. ماتقلعه
1219- غرك زمانك والدلع والمياعه ماعلموك اني على الضيم رجال عيبي قنوع وميزتي بالقناعه والجرح يلقاله مع الوقت شيال
1220- حاولت في قلبي يردك وعيا ((عــــــــــافك)) ولا لي حلية(ن) فيه لا عاف
1221- أنهنت في حبــك وانا حــر ما أنهان والحــر ما يرجع لشخص يهينــه والله احبــك حب والقلب ما خان حا فظ عهوود الحب يومك تبينه ! بس للاسف ما أقدر على حب خوان يمشى يشيل اسمى وباجر يهينه !!!
1222- لو تبي تزعل وأنا ما أخطيت ازعل وابتعد ما دامت الدنيا كبيره
وكالعادة........البقية تأتي...............