بسم الله الرحمن الرحيم
السلام عليكم ورحمة الله وبركاته
راقت لي واتمنا ان تروق لكم
جرايد الحلاق
من جاء بلا دعوة يقلّط بلا فراش=مقيولةِ قبلي ولكن مفيده
ياللي تقول افزع ترا مدهم كاش=واهم شي تقول فيهم قصيده
ماني على مدح الهوامير معتاش=نفسي غنيه والكرامة رصيده
مابست خشم شيوخ ملاّك الأدباش=من صد عني قلت فرصة سعيده
ولا بعت وجهي بين راشي وغشاش=الرزق عند اللي كفيل بعبيده
الذيب نفسه ماتسوقه على عراش=اموت جوع ولا اتعشى بريّده
لو فاز فيها عابد الوجه بكاش=ذي لقمة الدلال دايم زهيده
ارجوك روقنا ترا الراس منداش=جرايد الحلاق ماهي جديده
ريال واخذ فيه كيسين فش فاش=تسوى ملايين العرب مع رصيده
للشاعر: رابح الغضيان