سلطان المسلط
هلابك ياسلطان وياهلا ويامرحبا بك يالغالي ... وللمعلومه ياسلطان ...
وللمعلوميه ياسلطان ....... فلقب ... (( الشمالي )) ماهو انا اللي سميت نفسي فيه ... ولكن كان لأحد الصحفيين المتابعين لنشاط النادي الادبي .... وبعد لقائه معي ... ونشر مقاله عني في الجريدة .... لقبني في ذلك المقال بالشمالي
والصحفي في جريدة عكاظ ... واسمه علي اليامي ...
يقول سلطان المسلط
يا شمــال المملكه آه لو تعرف غلاك
كـان خليــت الشمــال وجيتنــي يم الحسا
فهــل كتـــب ارونــس شي عن الغربه ؟ والبعد عن الشمــال
ياحلات قولك ياسلطان
وكل شاعر عندما يتغرب يجب ان يحن واذا حن كتب
وانا قلت بعد موقف لي مع دكتور بالجامعة ...طبعاً هو دكتور داخل الجامعة فقط اما خارجها فصديق وغزيز سألني عن حالتي وليش مايبين علي شوق للشمال.. وإن حظوري بأنشطة الجامعة كحظور اهل الحسا فهل احببت الحسا اكثر من الشمال .؟؟ او كما قال ...
فقلت له ........
دكتور لاتطري عليّ اهل الشمال=دام حل المشكله لايُحتمل
غربة(ن) تصبو على حد الظلال=والمدامع ماتعيب اللي انعزل
أعتبرها فلسفة شاعر خيال=ولايعيب الشخص لامنّه سأل
وأنت رجل(ن) من مواريك الجبال=ولايهزك ريح دام إنك جبل
شدني صوت(ن) معه شد الحبال=وأنا رجل(ن) للمواجيب احتمل
مايجيب الطايله غير الرجال=ولايهز الذيب رفسات الفحل
يعني شي(ن) واضح(ن) مابه جدال=العواطف صعب توريك الحلل
وأنت يومنك تمايلت السؤال=كن صدري من سؤالك إجتفل
ضاق بي صدري ولافيني احتمال=وإن بغيت الصدق حظي معتزل
لكن اللي باخنه مرتاح بال=دام مثلك هو رفيقي بحتفل
عزني ربي رؤوف ٌ ذو الجلال=لاينام العين ولاجفنه غفل
الزهور تموت من قطف الهبال=والهوى ماحرك جذوع النخل
خصني ربي بخصلات الدلال=بس غربه مالوت يمنى رجل
وهو صحيح إن الزمن ماضيه زال=والكريم بجيلنا اسمه خبل
لكن إني باصل لحد الكمال=والكمال لرب علّم بالنحل
وأنت صاحب عز تغريك الدلال=والشرف خوتك ياطيب الأمل
دكتور لاتطري عليّ أهل الشمال=كان حل المشكله لايُحتمل
يقول عقاب العواجي بعد مافارق (نوت)
عقبك عيوني بالدموع استخالت ... ... ....من فوق خدي نثرهن فوق جيبي
وديارنا من عقب فرقاك سالت ...... .... ... من دمع عيني قام يدرج شعيبي
اي ان الفارس المشهور قال انه بكا لفراق محبوبته (نوت)
فمــا رأيك بالنوعيه الجديده ( المهايطيه) الذين يدعون الكرامه مع محبوباتهم ؟
وهل هم اشجع واشد كرامه من عقاب العواجي ؟ لا ادعاء ذلك
هذا انت قلتها نوعية مهايطيه ..... وياسلطان وش الحب من غير دموع .... جمال الحب بدموعه وتعبه وشوقه ...
ومايكتمل جمال وطعم الحب الحقيقي الا دموعه ... فدموع الحب ليست كأي دموع .... فأنا اضم صوتي لعقاب العواجي ...
وعقاب ياسلطان مانقصه دمعه على نوت ... شجاعه والا كرم وعقاب معروف ...
سلطان .... ياهلابك يامرحبا بك
والله سعدت بالابحار بين احرفك واسألتك التي تنم عن فكر واعي
وحياك الله متى مابغيت كلي لك يالغالي
ودامك من اهل الحسا لابد تقلط وتقهوى عندي وياهلا ويامرحبا والساعة المباركه والله يعني حطها بجدولك ولاتنسى 
تقبل كل الحب والتقدير واتمنى اني وفقت بالرد على تساؤلاتك
دم بخير الى ذلك الحين