قصيدة رثاء بفقيد الأمتين العربيه والإسلاميه
الملك/ عبدالله بن عبدالعزيز آل سعود
رحمه الله وأسكنه فسيح جناته
ـــــــــــــ
بعد الفجر من مسجد الحيْ فضنا=من بعد . أقمْنـا فرضنـا . وإنتهينا
جانا خبر. من هول وقعه . مِرِضنا=مثل .. الصواعق يوم . حوّل علينا
عسى الخبر مكذوب ننشد بعضنا=يجـوز . إشاعـه . بثهـا . الحاقدينا
لكـن . طلع علمٍ صحيح . وغمضنا=وسبّب لنا ضيق . الصدور وبكينا
والعين . هاضت بالعباير. وهضنا=لــنّ . الفقيــد . بـ.منزلــة . والــدينا
بتنا مسـاء الجمعه . قريرٍ لحضنا=وعلى خبر . موتة ملكنا . صحينا
ابو اليتيم اللــي . مـن أيام . يضنا=وابو . الأرامـل . قـدوة . الصالحينا
مايحفظ . التاريخ . فيه إحتفضنا=يبقى . ونذكر . سيرته . ماحييْنا
اللـي نهض . بـ.بلادنا وإنتهضنا=وبـ.سياسته بين الشعوب إعتلينا
أمـر .. وحصل . ولاَ عليه إعترضنا=والموت . حق . وبـ.المقــدّر . رضينا
حقّه . علينا . عند إقـامة . إفرضنا=وسجودنا . بـ.المغفره . لـه . دعينا
صقر العروبه غاب . لكـن عوضنا=بـ.ابو فهد . سيّد . أُسـود العرينا
سلمان . لـ أمـره . نمتثل مارفضنا=حصن . وملاذ . ومزبن . الخايفينا
إمبـايعين . ولـ.العهد . مانقضنا=بيعة ولاء . مبطي عليها مشينا
يالله . إتحفظ بلادنا . وتحفضنا=مهد الرسالــه . قبلـة . المسلمينا
والمـوت . سهـمـه لازمٍ . يعترضنا=لابـد مـالــه . يوم . يقبض حدينا
مهما ورى الدنيا نطوف وركضنا=ويومٍ .. تجنّبنـا .. ويومٍ .. تجينا
ومهما تمتّعنا بهـا .. وإسترضنا=لابــد .. يلحقنا سِرى .. الرّاحلينا
هــذا . نذير الموت .. كان إتعضنا=مـار .. البلا كان .. بـ.لهـانا بقينا
ونبي نموت . ولا قضينا غرضنا=يارب عفوك . يـ أرحم . الراحمينا
.
.
.
.
حمد الضوي