الموضوع: ليزر معاني
عرض مشاركة واحدة
قديم 30/07/21, (03:21 PM)   المشاركة رقم: 1
المعلومات
الكاتب:
عايض المشعان
اللقب:
ضيف عزيز

البيانات
التسجيل: 18/09/06
العضوية: 1106
الدولة: الشرقيه
المشاركات: 97
بمعدل : 0.02 يوميا
معدل التقييم: 54
نقاط التقييم: 50
عايض المشعان يستحق التميز


الإتصالات
الحالة:
عايض المشعان غير متصل
وسائل الإتصال:

المنتدى : منتدي الشعراء
افتراضي ليزر معاني

سؤالك العفوي تدور له اجابه من شهور

************* عن القصايد كيف تكتب والحقيقة باختصار

الشاعر اشبه بالسجين اللي طمر من فوق سور

************* توه يشوف العافية من بعد ما ذاق الحصار

وده يوصف ما حدث واللي جرى واللي يدور

************* إلين تٌسمع قصتـه باقصى الكواكب والمدار


الشعر تمرير الكلام العذب من بين السطور

************* حتى يحقـق كل اهدافه بدقــه واقـتــدار

الشعر فصلة مخ أو تشبيك وايـر او شعور

************* ليزر معاني توصل الشاعر لحد الانفجار

والشاعر المبدع يغوص بكل اوزان البحور

************* ولا يجيب الا الثمينة والجزيلة والبكار

واليا بدع له قافيه لا يجعل الوجهة دبور

************* الرجل يرفع هامته ولا يفتـش بالصغار

ابياتك اللي صغتها ماهي بضاعه او عطور

************* لان القلم اسمى رسالة من سواليفً بهار

واللي عرف صكات بقعاء يطمع بظل القصور

************* واللي تربى بالقيم يطلع مطاليع الكبار

كم بيت شاعر راسخ بذهن الأوادم من عصور

************* وكم من قصايد هافيه ولا لها اي اعتبار

والفعل ميزان القصايد قبل تصفيق الحضور

************* والا كلام بلا فعل خيمة عجوزاً في قفار


















عرض البوم صور عايض المشعان   رد مع اقتباس