اقتباس:
المشاركة الأصلية كتبت بواسطة ناايف
لاهنتو يالويلان
الالف اببدا و اقطـف مـن المعانـي=الفيـة ٍ تـروي ضمـا كـل عـانـي
و انا الحكم تـروي ضمـاي بزمانـي=و العلـم غانـم و الجزالـه بويـلان
والبـا بـدايـة قافـنـا نـذكـر الله=مبري سقيم الجسـم مـن كـل علـة
اللـي فطـر فينـا الهدايـه جبـلـه=وشرع لنا الاسلام هو خيـر الاديـان
والتـا توكلنـا علـى خيـر بــاري=منشي مزوناً منهـن السيـل جـاري
الـواحـد الـلـي بالخفـيـات داري=سبحان رب الكون سبحـان سبحـان
والثاء ثبت في صرحنا الطيـب لازال=وهذي عوايدنـا علـى مـر الاجيـال
ومن يجحد المعروف ماهـو برجـال=من ..؟ يرسل المكتوب من غير عنوان
والجا جميل القول ينجب لـك اخـوان=من غير قومك تقترب نـاس واعـوان
قالوا قديـم العـرف بالقـول ميـزان=من عاقبه بالفعـل ضايـع وخسـران
والحـاء حبيـب الـكـل يامنتـدانـا=حنـا تجمعـنـا يـخـوف عـدانـا
وليـا بغانـا مــن بغـانـا لقـانـا=متجمعيـن وكلنـا مثـل الأخــوان
والخاء خيـوط الطيـب ياهـي قويـة=مـن بيننـا سلـم المحـبـة عتـيـة
لـو نبتعـد نبقـى قلـوبـن سـويـة=مافرق اهل الطيـب دورات الازمـان
والدال دوك العلـم لاصـرت واعـي=حـق الخـوي لابـد انـك تـراعـي
يبقى الخوي في نهجنـا مـا يباعـي=لأن الأخــوة ماتـقـدر بالاثـمـان
والذال ذل المال ماهـو علـى الكيـف=تخونـك الأيــام لازارك الضـيـف
ماينفعك لو تشهـر الرمـح والسيـف= المرجله بالعلم لاصرت فهمان
والراء رقي المجـد ماهـو ب(هيّـن)=لابـد تتعـب ليـن ذكـرك يبـيّـن
من لاصبـر للعسـر ماشـاف ليّـن=هذي هي الدنيـا مسـرات واحـزان
والـزاي زاد أهـل العقـول السليمـه=بالديـن هـو نعـم الثمـن والغنيمـه
ياراجـي مــد الكـريـم ونعيـمـه=نهـار ماينفـعـك ربــع وخــلان
والسين: ساد العلم في كـل الاقطـار=يحمي عماد الدين يحفـظ هـل الـدار
ومن لا تعلـم فاقـد الـدور محتـار=العلم دايـم سـراج نـوره بالأذهـان
و الشين شفت العـز خيـر الزهايـب=و الطيـب درب ٍ تنتويـه الركـايـب
و اللي ترك درب الزحازيـح خايـب=و الطيب ما يجزا جحـود ٍ و نكـران
والصا صفـاة القلـب حطـه بتعبـار=احذر يكون الجاش اسود كمـا القـار
واعلم ترى صاحبـه جـلاّب للعـار=لـو تقربـه تلفحـك غبنـه وطغيـان
والضاء ضروف الوقت يا هي غريبـة=الـي يشـب النـار ماحـدن دريبـة
والـي معـه ميـلان كلـن قريـبـة=كثرة فلوسك صـارت اليـوم ميـزان
والطـا طويـل البـال ماهـو بهالـك=ليازاد بك صبرك ترى الزيـن فالـك
ولاتـدع دنيـاك هـي راس مـالـك=والدايـم الله كـل مـن فوقهـا فـان
والظاظما روحي على خـوة اللـي=ماهرجته وش قال وش قلت قل لي
اللـي لخاطـر صاحبـه مايعلـي=إن مالفاك بزوود ماجا بنقصـان
والفا فرايض دينك اليوم صنها=حذرا تراخا يابيض الوجه عنها
اومر بمعروف وعن المنكرانها=ولاتجزي الاحسان الا بالاحسان
والقاف قفت حاجةالسيف والرمح=ترى السلاح العلم والخاطر السمح
واخير مايداوي بعض زلة الدمح=والأمن ساد بظل ذربين الأيمِِِـان
والـلام لا تمشـي دروب الحمـاقـه=ووثق مـع الطيـب حبـال العلاقـه
وخل الـردي لاتجمعـك بـه صداقـه=واحذر وخلـك بالمواقـف كحيـلان
الميم ما بين الرجـال الأديبـه=عند العرب لنا معـزه وهيبـه
سيوفنا وقت الملاقـى عطيبـه=يشهد لنا التاريخ حضراً وبدوان
النون ناقف صفن لكـل عايـل=و نفخر مدام انا من عيال وايل
ابلا قصورن في جميع القبايـل=و الحق له عند أهل العرف ميزان
والهوا هوانـا بالعلـوم الجزايـل=نمشي على الطولات والراس طايل
منهاجنا نهـج الجـدود الاوايـل=زبن الدخيل وريف ضيف وجيران
والواو وضح القوم عنا يااهلهن=وسط المزاين يعرضن مع فحلهن
لولا الحكم والدين حنا اهلهن=وتاريخنا الشاهد ورى ضلع عرنان
والياء ياما للمفاخركسبنا=أول فخر ويلااان .هذا نسبنا
واليا نوينا للهلع ماحسبنا=واليوم ساس الدين وأنصار الإيمان
|
وهاهي قصيدة ويلان بثوبها الجديد
فالشكر لمن أتى بهذه الفكرة والشكر موصول لجميع من ساهموا بأي مشاركة كانت سواءً أبيات أو تشجيع ومرور على المتصفح
دمتوا على العز ياأهله
(بعض الأخوة قمت بالتعديل على أبياتهم بالشطر الأخير لأنهم سرو البيوت ماهو قصورٍ بهم . كلنا مكملين لبعض)
تقبلوا تحيات أخوالجميع
نايف الخمعلي