يسعد صباحكم
مصافحه آخرى للويلان وان شاء الله تعجبكم
................................................
ماني على كيفك ليا جت بالراس
...........................ولاني على كيف الغلا صدقيني
ترى الغلا بعضه مرارات واتعاس
............................. يعني ليا مــن قفلت جنبيني
لاتحسبيني أي واحد من الناس
............................. تلعبه الهقوات_لا تحسبيني
قبل اتعدى او تجي مرحله يأس
.............................هذى حدودي وقفي تعذريني
مشيتها لاباس مافاد _لاباس
.............................يعني عساها تتبع الأولينــي
ماني بحاجة هم واحـزان وعماس
...........................ماقصـرن بالهم قبلك سنينــي
حكمة محبه_ كان ماهي على ساس
.........................مـع أن بالمقسـوم عنـدي يقينـي
محبـة إلهــام الفضـالـــه ودواس
..........................مـاني مثـل هذا الغرام افهميني
انتي مزاجيه وانا انسان حساس
......................... شوفي كبر هالفرق بينك وبيني
طبعي إذا حبيت واحد من الناس
.........................شوي... ويسـاوي غلا والديني
وانتي مصير كليب بيدين جساس
........................بس اصبري ترى الخوافي تبيني
وسلامتكم