عسى السحاب اللي على نجد همـال=يسقي ثرى قبر(ن) به الجود مدفـون
يمطر على ترابه من الجـال للجـال=ويسيل سيله عشـرة ايـام بالهـون
قبر(ن) يضم معرّب الجـد والخـال=كف الندى شيخ الكرم وافي العـون
ابو الضعوف اللي على خدها سـال=دمع الفراق ومن ضحى السبت يبكون
وابو اليتامى والارامل لهـا ظـلال=وابو مساكين(ن) من الحزن يشكـون
سلطان ابو خالد لـه الدمـع ينهـال=تبكيه دوله والعـرب بـه يعـزون
فاحت على جمر الحزن صفـة دلال=وشلون مافاحت من الحزن وشلـون
شف خادم البيتيـن يبكيـك مهتـال=والشعب من فرقاك ياشيخ محـزون
مات البناخي حزنـي بفقـده جـلال=بندر عليه الحال من دون فـي دون
طاح الجبل لكن عوضنا بـه جبـال=اخوان نـوره لا بغيتـو تعـزوون
عسـاه باالجنـه اميـر(ن) ونـزال=وعساه ينعم بين انهـار وغصـون