....1/ ماهو المستوى الذي وصل إليه شاعرنا . في مجال الشعر الشعبي والمحاورات. برأيه الشخصي ؟
سؤال لايمت لرأيي بصله ولكني اقدم انشاءالله مايرضي الجميع والسؤال يطرح على من يتابعني او من قرأ لي .. فهو اقدر مني على الاجابه ... وبالنسبه للمحاورات والله مالي فيها .
.... 2 / مامدى قناعة شاعرنا بالقصائد التي يكتبها ؟
لا أكتب الا مايقنعني .
.... 4 / ماهو البيت الذي سمعه شاعرنا وتمنى لوأنه قائل ذلك البيت ؟ مع ذكر قائل ذلك البيت ؟
بيت واحد مع اني مااحب اتمنى اني كاتب لبيت انا ماكتبته ... لكن شدني البيت بقوه وتمنيت انه لي
اللي يقول
أمانه لاتخليني ترى فرقاك مثل الموت ......... دخيل عيونك اللي هي عذابي لاتخليني
للمبدع ... عبدالله الحجيلان
.... 5 / كم يستغرق شاعرنا من الوقت لنظم قصيده ؟ وماهو أجمل الأوقات التي يستهوي شاعرنا
الكتابة بها ؟
مافيه وقت معين على حسب قد تستغرق ربع ساعه وقد تستغرق سنه ... على حسب مجال القصيده وفكرتها .. والظروف المحيطه بها .... أما الوقت ... مافيه وقت محدد بس احب يكون الجو هادي الى ابعد الحدود .
.... 6 / لكل شاعر. يوجد شاعر يتأثر به . فمن هو الشاعر الذي تأثر به ؟
اعجبت بشعراء كثر .... لكني مااحب اني اتأثر بأحد والاسباب واضحه .
.... 7 / نطلب من شاعرنا ذكر أول خمسة أسماء تتسيد ساحة الشعر الشعبي في الوقت الراهن ؟
كل من بالساحه تسيدها بطريقته .. فلا خمسه ولا عشره .. يحصرون فيها والساحه ليست حكراً لخمسه فقط ... بل لكل من فيها .
ولكني اتمنى أن يدخل شعرائنا في هذا المنتدى الساحه فلو حصل مثلا مثلا ///بدر الحنيف ///على فرصة الظهور اعلامياُ لقلت انه هو من تسيدها وسأذكر اسمه خمس مرات
وانا ماذكرت بدر الا للتمثيل والا بدر شاعر وفحل من فحول الشعر بس فيه اسماء كثير بالمنتدى اتمنى ان يحصلون على الفرصه اللي نقدر نشوفهم بدال بعض الشعراء اللي في الساحه فالسياده ستكون لأسماء كثيره ولكنها ليست بالساحه
اما اللي بالساحه فيه الزين وفيه الشين ... ولكن الزين اكثر ولا ني بذاكر اسماء فالاسماء كثيره .
.... 8 / ماهو المميزات التي وجدها شاعرنا في شبكة ويلان ؟ وهل يشارك شاعرنا في منتديات أخرى ؟
كل مابويلان مميز ويعجبني ويرضيني ... والمشاركات لي مشاركات في عدد من المنتديات.
...9/ ماذا تعني هذه الكلمات لشاعرنا؟
الليل
أجمل اوقاتي حين ألاقيه بسحره المعروف لدي .
الصحراء
اشتيــــاق لا محدود .
ومشتاق !!
العيون
تعبير آخر لا يميزه الا شخص له صله بها .
الخيل
الحب والاصاله .. والشموخ .
القمر
صديق اشكي له ويشكي لي .
السهر
جميل بطبعه .. ورائع بحظوره .. امتاز فيه ويمتاز فيني .
الغدر
تعبت منك ... واتعبتك معي ... بإختصار .... أكرهك .
المرأه
ماأروعها حين تحب ... وماأروعني حين اشتاق لمن يحبني // لاغني عنك ِ .
الصراحه
نهايه مشرقة .
الحب
الوضوح والغموض في ذات الوقت .
.... 10 / عادتآ مايأتي هذا السؤال في مقدمه اللقاء . ونحن تعمدنا طرحه عليك ليكون نهاية اللقاء .
الذي أسعدنا وجودك فيه ..؟
نريد من شاعرنا ذكر معلومات مفصله للبطاقه الشخصيه ليتعرف عليه محبيه ومتابعيه عن قرب [/color]
أورنس بن مالك الــهذال
من مواليد اقصى الشمال ... ريح الجمال عرعر ..
عمري .. 24 .
من سكان الشرقيه ... الخبر . الدمام . الاحساء . حالياُ
طالب في جامعة الملك فيصل .. كلية العلوم الاداريه .. تخصص تسويق .
في نهاية هالاسأله احب اشكرك يابو خالد ... على اختيارك لي وعلى الرحله الطيبه اتمنى اني وفقت في قول الحقيقة فقط ...
والشرف لي والله
اخواني عسى ان اكون خفيف عليكم ... انا بإنتظار هطولكم .. فحياكم الله ..
ملاحظه ....../ اخوي ابوخالد انت قلت الاسأله عباره عن عشرين سؤال .... الجزء الثاني من الاسأله وصلني تسع ((9)) اسأله فقط .... اتمنى .. أنك تلاحظ هالخطأ المطبعي ... شاكر لك .