يا سلاطين الخليج المحترم قولو لي= وش مصير الشاعر اللي مرتكب له زله
ان تكلم راح صوب العالم المجهولي=ان سكت ما قال عله.... وان تكلم عله
ما خلقنا بس للتمييس والا الفولي=لــ متى وافكارنا ببلادنا منشله
صح نخطي... بس لو نخطي خطا معقولي=صح نظلم ... بس ما ناصل حدود المله
نسبح امواج البحر في عرض والا طولي=ونترفع عن ميول العالم المنحله
ما لبسنا الدين لاجل انصاف فكر دولي=لابسينه خوف من يوم نحسب الخله
صححوا لي فكرتي لا تتبعون ميولي=ما تبع شاعر لحزب ولا جمع له شله؟؟؟
وغيرنا يلعب بدينه لعبة المنبولي=كن فكره حر بس افكارنا محتله
يقتل المسلم بكف المسلم المعزولي=ما عرف دق الهدف بالقتل والا جله
نخدم اعداء البلاد بكفنا المغلولي=يرتفع عرش العداء للعز .. ونطبل له
كم طفل شرد .. وكم مجروح .. كم مقتولي=عالما هي صاحيه والا انها مختله
انقسام العالم المسلم يهد حمولي=فكرنا مستاجره واحد ماهو كفو له
اقتلو شيخ الفتن في سيفه المسلولي=وكل درب يخدم الاسلام حنا ندله
ليت شعر الذيب في راسي وفكره حولي=اخذه لين العفو يشمل ويكبر ظله
فكره الناضج خذاه لمجلس معزولي=يا كبر ظلم الزمان ويا سخافة دله
والله ان الظلم لو طال الزمن محلولي=لو تميم ادرك عواقب ما يصير احسن له
انت عن حمل الثقال الكايده مسؤولي=انصر ابن الذيب يا شيخ الوفاء وافطن له
لا تصدق تابع ابا الهول لابا الهولي=لو لعب في فكرنا اللي ندعمه ونجله
لو وفا لك بالكلام وهرجه المعسولي=لـــ تمكن شال سيفه من يديك وسله
ومن تفرق شمل وحدتنا وش المحصولي=ومن هو اللي مستغل عقولنا المعتله
مشغلين الناس لاجل مقاسم البترولي= نخدم اللي ما قدر معنا يبين غله
المسار اللي ماهو واضح ولا معقولي =مستغله واحد فينا ماهو كفو له