أغرب رواية
السبت ..
اتخذ نظرة عيوني لداخل خفوقي باب
وافتحه بشويش ودخل
بس خسارة ...
دخل لقلبي من أصغر شباك !
الأحد..
جاني عاشق .. تذبحه ذيك المشاعر
وأتعبه صمت السكوت
وقرر إنه يبدا..يحكي
الإثنين..
ابتدى عاشق على غرار غريب
عازف إنه يمتلك كل شي فيني
كنت أحس بصدق حبه
بداخل عيونه وشوقه
الثلاثاء..
كان أصعب طبع شفته
ابتدى يخلف وعوده
وابتدى ينسى حقوقه
بس بعشق طفيف
الأربعاء..
يقترب أكثر كثير
ويبعد أكثر من كثير
يزعل خفوقي بلحظة
ويراضيني بكلمة حلوة
وياحسافة بسرعة ... أرضى
الخميس..
ابتعد عني وغادر
دون أوراق وتذاكر
بس بلحظة لقيته
ياحسافة .. كان ضايع .. وضايع .. وضايع !
الجمعة..
خانني واعترف بكذبة خفوقة
اعترف اني مجرد لعبة حلوة
اعترف اني مجرد ضحكة حلوة
دنيا وردية وحلوة
وأعلن إنه حب غيري
وطلب مني النهاية
وكانت أغرب نهاية
أبقى وبرغم الجفا
برغم دمعي اللي انكفى
وبرغم نيران الضما
أبقى حبيبة بالخفا
وانتهت أغرب رواية