الغاليه / العيـوف
أنا ماراح أضيف على اللي قالوه اخواني من ناحية الصفات الموروثه والمكتسبه
لكن تعالي انفكر بالحل .. أخوك راحت عليه وماعتقد بعد هالعمر بيغير من طبعه خصوصا ان الصفه وراثيه
لكن بنت أخوك بعدها صغيره وعلى قولتك هالصفه خلت اللي بعمرها يتضايقون منها وفعلا تراها شغله تنرفز ومثل ما انتي عارفه الطفل بطبيعته مايعرف
يجامل مثل الكبار يعني ممكن أحد يجرحها وكل هالثقه تهتز وتنعدم مره وحده
عمرها 6 سنوات حسب ماقلتي مافكرتي بيوم تناقشينها بشي هي تهتم فيه وتسمعين منها (إي انا اعرفه) وبعدين تسئلينها سؤال ماخطرعلى بالها بالشي
هذا وتشوفين ردة فعلها!!!
عموما البنات وهم صغار مبلتعات ويعرفون عشا أهل مكه
مثل بنت أختي لما كان عمرها 4 سنوات اذا قلنا لها شنو عشا أهل مكه قالت سليق !!!!!
لا تسئليني من وين جابتها بس الصغار تشوفين منهم العجب
دمت بخيـر/