اقتباس:
المشاركة الأصلية كتبت بواسطة ماجد الجعفري
الغالي والشاعر القدير
نافع عيد الجديد أهلاً بك مجدداً
وها أنا أعود لك بالأسئلة :
1_صورة توقيعك عبارة عن البر والنار والمعاميل هل جسد نافع الجديد هذة الصورة بأبيات؟
2_ شبكة ويلان ماذا قدمت لنافع الجديد_ وماذا قدم لها نافع الجديد ؟
.............
.
وأشكر لك مجدداً رحابة صدرك واسماح لنا بالتعرف عليك أكثر من خلال هذا اللقاء الجميل
دمت بكل خير
|
هلابك يابو غانم ووجودك شرف طال عمرك
السوال الاول
فيه كم بيت حول الوضع عسى تنال اعجابكم
يازين سجات القدم صبح الامطار =في ديرة ماغير صيد واثر ذيب
من فوق جيب مايباري مع القار= توه جديد ولالقي به عذاريب
من نوع تايوتا مسماه فكسار= من هيبته بالمفخره سمي الجيب
مع خوة اهل الطيب والعز والكار=اللي لهم بالطيب فعل وتجاريب
وتبعد عن الضجه ونشرات الاخبار=وعن عالم(ن) مابين شرق وتغريب
الا عن التسبيح واطراف الاذكار=ومرضاة رب عالم السر والغيب
والياوصلت لخايع كله اقفار= والسيل توه ماشي بالسراديب
وقف ونزل عزبتك واشعل النار= وجهزلكيفك بالدلال المحاديب
واذبح خروف شاريه واف الاشبار= ماهو بقطه ماحسب له تحاسيب
وعقب الغداء والشور له راع الاشوار=لازم تمشى صوب ذيك المراقيب
في ديرتة(ن)ربي فرقها عن اديار=في ارضها في نبتها والمعازيب
وبالليل سهره مع سواليف واشعار=والصبح دق السلف واركب على الجيب
هاذي مراد القلب واقولها امرار=يالله تحقق غايتي والمطاليب
السوال الثاني
ويلان قدمت لي الكثير ومنها معرفة مثلك وشرواك
اما انا اعتبر نفسي مقصر في حقها مهما قدمت
شاكر ومقدر تواجدك المشرف